Gran Líder
De Uiquipedia
Gran Líder ye'l nome que se-y da en Corea del Norte al primer presidente del Estáu norcoreanu, Kim Il Sung. El términu foi acuñao na década de 1970 pol aparatu de propaganda estatal nel marcu del desenvolvimientu d'una estratexa de cultu al líder.
La denominación de "Gran Líder" foi acompañada de l'afitamientu pente la población d'una haxiografía que-y atribuía a Kim Il Sung una vida de lleenda. Grandes monumentos y semeyes del líder fixéronse omnipresentes en casique toles estayes de la vida pública norcoreana.
Cola muerte, en 1994, del "Gran Líder", el términu siguió acutáo a la figura de Kim Il Sung, mientres qu'el so fíu y sucesor políticu Kim Yong Il, foi nomáu "Queríu Líder", con similares usos propagandísticos.
El cabudañu de la muerte y'l nacimientu del "Gran Líder" ye fiesta nacional en Corea del Norte.
