Joaquín Vaquero Palacios
De Uiquipedia
Joaquín Vaquero Palacios (Uviéu 1900 - Madrid 1998), arquitectu y pintor asturianu. El so fíu, Joaquín Vaquero Turcios, tamién ye artista (pintor, escultor y arquitectu).
En 1921 ingresa na Escuela d'Arquitectura de Madrid, y antes de terminar la carrera fai delles esposiciones en indidivuales en París y Nueva York. Una vez convertíu n'arquitectu incorpórase al estudiu que'l so cuñáu, Francisco Casariego, tien n'Uviéu.
Durante un tiempo (1950 - 1965) vive en Roma trabayando na Academia Española de Belles Artes, de la que llega a ser director, durante esti tiempu dedícase dafechu a la pintura. En 1969 nómenlu miembru de la Real Academia de Belles Artes de San Fernando.
Como pintor, los temas que más-y prestaben yeren el paisaxe y l'arquitectura de los pueblos de Castiella y Asturies, asina como l'arquitectura de les ruines romanes o les pirámides d'Exipto, o los poblaos de los indios americanos. Cuando pintaba figures humanes, éstes taben integraes na grandionsidá del paisaxe. El cielu, la tierra y el mar teníen una importancia grande na so obra.
Ente los sos proyectos arquitectónicos podemos indicar los siguientes: Presa y Central de Grandas de Salime, Instituto Nacional de Previsión, sede de la empresa Hidrocantábrico, Colexu Mayor América o la Fábrica de Gas toes elles n'Uviéu. Tamién fizo'l Pabellón Español na Bienal de Venecia de 1952.
