Marc Bloch
De Uiquipedia
Marc Léopold Benjamin Bloch (6 de xunetu de 1886 - 16 de xunu de 1944), historiador francés especializáu na Francia medieval y fundador de la Escuela de los Annales.
Nacíu en Lyon, yera fíu d'un historiador de la antigüedá, el profesor Gustave Bloch. Estudió nel Ecole Normale Supérieure y la Fundación Thiers en París, y en otres ciudades como Berlín y Leipzig. Na I Guerra Mundial foi soldáu d'infantería nel exércitu francés y algamó la Lexión d'Honor.
Dempués de la guerra entamó a dar clases na universidá de Estrasburgu, y llueu algama el puestu de profesor d'historia económica na Sorbona. Nel añu 1940 quedó excluíu del cargu públicu poles lleis racistes del gobiernu Vichy, al tratase d'un xudíu.
Nel añu 1929 Bolch crió con Lucien Febvre la perimportante publicación Annales d'histoire économique et socialem que más tarde daría-y nome a la corriente historiográfica conocía comu Escuela de los Annales.
Morrió fusiláu por ser miembru de la resistencia francesa, tras ser torturáu varies hores pola Gestapo. Les sos últimes pallabres foron: Vive la France.
[editar] Anéudota
Una de les rames en que la Universidá d'Estrasburgo foi distribuyía tres mayu del 68, la Universidá de Ciencies Humanes d' Estrasburgo, pasó a llamase en 1998 Universidá Marc Bloch, nel so honor.
[editar] Obres
- La Société féodale
- Les Rois thaumaturges
- L'Étrange Défaite
- Apologie pour l'histoire ou métier d'historien
