Escuela de los Annales
De Uiquipedia
La Escuela de los Annales ye una escuela historiográfica, denomada asina pola publicación de la revista francesa Annales d'histoire économique et sociale (depués llamado Annales. Economies, sociétés, civilisations, y renomáu en 1994 como Annales. Histoire, Sciences Sociales), n'onde se espublizaron por primer vegada los sos plantegamientos. La escuela de los Annales caracterizase en rasgos xenerales por desendolcar una historia na que s'incorporen otres ciencies sociales como la xeografía, la socioloxía, la economía, la sicoloxía social y la antropoloxía, ente otres.
Tabla de conteníos |
[editar] Ñación
La revista Annales foi fundada y editada polos historiadores franceses Marc Bloch y Lucien Febvre en 1929, mientres ellos enseñaben na Universidá d'Estrasburgo. La publicación propunxo una conceición de la investigación histórica distinta a la que-y antecediere, pues combinó la xeografía, la historia y los plantegamientos sociolóxicos de los Année Sociologique (de los cuales munchos miembros eran colegas de Bloch y Febvre en Estrasburgo); amás, propugnaba por una ampliación nos temes d'estudiu de la Historia y refugaba l'énfasis predominante na política, la diplomacia y los fechos bélicos de munchos de los hestoriadores del sieglu XIX.
De toes formes l'afán de renovación que buscaba la revista, l' esfuerzu de los sos editores debió esperar a que terminara la Segunda Guerra Mundial. Bloch, miembru de la Resistencia francesa y xudíu, foi asesináu por miembros de la Xestapo, y Febvre continuó cola publicación de los Annales en los años cuarenta del sieglu XX. Demientres esos años enseñó a Fernand Braudel, que se volvería un de los exponentes más reconocidos d'esta escuela.
[editar] La dómina Braudel
El trabayu de Fernand Braudel definió una “segunda xeneración” na historiografía de los Annales, que resultó mui influyente a lo llargo de los años 60 del sieglu XX. Braudel innovó nel campu de la historia al inxertar, na esplicación de los fechos históricos, les "duraciones" (la corta, la mediana y la llarga duración). Ente les sos obres cabe destacar El Mediterráneu y el mundu mediterráneu en tiempos de Felipe II, espublizada en 1949 y ye una obra d'un marcadísimu estructuralismu.
[editar] La tercer xeneración
Al entamar la década de los setenta del sieglu XX Braudel retírase d' Annales por discrepancies internes. Cola so salida, distinguese a una tercer xeneración que se caracteriza pola so heteroxeneidá, pues nun hai consenso metodolóxicu, políticu nin intelectual. Sin embargo, dalgunos rasgos puen subrayase: l' incrementu de la presencia académica y social y l'interés por estudiar la cultura. La so inspiración ye Lucien Febvre, Michelet y Michel Foucault. Estos historiadores, encabezados por Jacques Le Goff y Pierre Nora, inventaron un término, "La Nueva Historia", pa clasificar a la so propia produición, nun intento de marcar la novedá historiográfica que suponíen. Según Le Goff, la Nueva Historia ñaz pa retrucar a nueves entruges a un públicu más ampliu, interiorizando los métodos de l' antropoloxía. Agora aparez l' interés pol acontecimientu, pola hestoria política, pola historia de les mentalidades y de les representaciones, pola historia total. Recibieron críticas pol so "desmigayamientu", ello ye, la multipliación desordenada de los obxetos d'investigación.
[editar] La cuarta xeneración: El giro crítico
Nesi contestu de crisis Lepetit, secretariu de la publicación llanza una editorial na primavera de 1988 anunciando esti nuevu xiru.
[editar] Representantes de la Escuela de los Annales
- Marc Bloch
- Lucien Febvre
- Jacques Le Goff
- Fernand Braudel
- Pierre Chaunu
- Georges Duby
- Emmanuel Le Roy Ladurie
[editar] Delles obres historigráfiques de los miembros de los Annales
- Marc Bloch, Introducción a la Hestoria.
- Lucien Fèbvre, Combates pola Historia.
- Jacques Le Goff, El orde de la Memoria.
- Fernand Braudel, Historia y Ciencies Sociales. La Llarga Duración
- Fernand Braudel, El Mediterraneu y el mundu mediterraneu en tiempos de Felipe II.
[editar] Bibliografía
AGUIRRE ROJAS, Carlos. La escuela de los Annales: ayer, hoy y mañana, Barcelona, Montesinos, 1999.
BURKE, Peter. La revolución historiográfica francesa. La escuela de los Annales, 1929-1984, Barcelona, Gedisa, 1999.
PASAMAR, La Historia Contemporánea. Aspectos teóricos e historiográficos, Madrid, Síntesis, 2000. pp 69 - 217
