Naves
De Uiquipedia
| Xentiliciu | Naviza, navizu |
| Conceyu | Llanes |
| Partíu xudicial | Llanes |
| Población (2003) | 180 |
| Superficie | 6'99 Km2 |
| Densidá (2003) | 25'7 hab/Km2 |
Naves ye un pequeñu pueblu y una parroquia del conceyu de Llanes, nel Oriente d'Asturies. Allugáu xunta al Mar Cantábricu, ta a media hora de Cuadonga y el parque nacional de los Picos d'Europa; a menos d'una hora d'Uviéu, Xixón y Santander, y a diez minutos de Llanes y Ribesella. Tien dos sableres, Gulpiyuri y Beón, y un monumentu nacional: el monesteriu de Santolínn de Beón, del sieglu XII. La localidá, que recibiera en 1961 el premiu al "Pueblu más guapu d'Asturies", cuntia con un ñudu d'enllaz n'autovía del Cantábricu. Tien 180 habitantes (103 muyeres y 77 homes) lo que supon el 1,36% de los 13.184 habitantes del conceyu; 128 cases (58 tan habitaes y 70 vacíes), con una densidá d'habitante/casa de 3,1 persones, siendo la del conceyu 2,96.
Tabla de conteníos |
[editar] Cómo allegar
Naves cuntia con un ñudu d'accesu n'autovía del Cantábricu (A-8, antigua N-634), que se correspuende cola sortida númberu 313. El pueblu ta asitiáu xunta la carretera comarcal que xune Llanes y Ribesella (AS-263), a tres kilómetros de Posada y a cinco de Nueva y a la metada'l camín ente Uviéu y Santander. Ye'l pueblu más oriental del valle de San Xurde, y dista 12 km de la capital municipal, Llanes, y 15 kilómetros de Ribesella. Tamié puede accedese a Naves dende la zona de los Picos d'Europa, Cangues d'Onís y Cabrales al través de la carretera del Ríu Las Cabras (AS-114): basta con allegar a Posada y coyer la AS-263 hacia Ribesella. Naves ta a tres kilómetros del cruce de Posada.
[editar] Barrios
El Requexu, El Ríu Montés, Iyán, L'Oteru, La Bolera, La Bolerina, La Calle, La Flor, La H.ondera, La Pedrera, La Pica, La Pola, La Vega, Marrón, Samartín, San Vicenti y Santana.
[editar] Sableres
Beón y Gulpiyuri. Dambes pertenecen al Paisax Protexíu de la Costa Oriental d'Asturies. La segunda ye tamién Monumentu Ñatural.
[editar] Monumentos
Monasteriu de Santolín de Beón (monumentu nacional), del sieglu XII, y ilesia de Santolín de Naves y Beón, reconstruida en 1924.
[editar] Fiestes
Santolín (1 y 2 de setiembre), Santana (26 de xunetu), La Sacramental, San Vicenti y Samartín.
[editar] Ver tamién
[editar] Enllaces esternos
|
|
|
|---|---|
| Andrín | Ardisana | Barru | Borbolla | Caldueñu | Los Caleyos | Los Carriles | Carranzu | Celoriu | Cue | H.ontoria | Llanes | Malatería | Meré | Naves | Nueva | Parres | Pendueles | Po | Porrúa | Posada de Llanes | Pría | Purón | Rales | San Roque del Acebal | Tresgrandas | Vibañu | Vidiagu | |
