Protohestoria
De Uiquipedia
La Protohestoria ye la dómina intermedia ente la Hestoria y la Prehestoria; esti períodu, más que nos outros hestóricos, depende principalmente de la situación cultural del pueblu n'estudiu. Asina, la protohestoria ye cuando un pueblu entra na Hestoria Xeneral a traviés de las referencias d’outra sociedá, pero los elementos culturales del primeiru son entá prehestóricos. Tamién considérase a un pueblu como protohestóricu cuando la súa escritura nun ye posible conocela ou investigala polo que nun entrarían de motu proprio na dómina Hestórica, na cuala se forma parte a traviés de la escritura.
[editar] Exemplos
Casos paradigmáticos de culturas protohestóricas sedrían, ente outras, la etrusca, la ibera, l'astur ou las tribus indíxenas actuales de Papúa-Nueva Guinea. Nel casu de los primeiros dous pueblos malque presentaban una sociedá estructurada y con una escritura formada y desendolcada, nun conocemos lu qu'esos documentos implicaban ou querían dicire. Nel casu de los satures, por exemplu, son parte de la Protohestoria y non de la Hestoria, dau qu’entrorun nésta a traviés de las referencias de los hestoriadores grecollatinos. Un casu semeyáu sedría’l de las poblaciones indíxenas actuales de l’Amazonia ou de Papúa yá que, anque la súa sociedá ta anclada na Prehestoria (en muitos casos nel Neolíticu), la súa presencia nos nuesos estudios facen que tea involuntariamente dientru de la Hestoria.
[editar] Outros nomes
Tamién recibe la designación de Prehestoria reciente.
