Torrecerréu
De Uiquipedia
Torrecerréu colos sos 2.648 metros ye'l la monte de mayor altitú de los Picos d'Europa, de la Cordillera Cantábrica y tamién de tol noroeste de la Península Ibérica, tando enclavada nel Macizu Central de los Picos d'Europa o macizu los Urrieles, na divisoria de les provincies de Asturies y Llión. La so cume, con un desnivel de más de 2.200 metros sobre'l ríu Cares, tien unes perbones vistes del macizu occidental y les canales que vierten sobre la garganta'l Cares.
Foi ascendida por primer vez por Aymar d'Arlot de Saint Saud, Paul Labrouche, Juan Suárez, d'Espinama, y Francois Salles, de Gavarnie, el 30 de xunu de 1882.
La vía más fácil d'ascensión arrinca dende'l Jou de Cerréu y ta catalogada como Poco Difícil Inferior, l'ultimu tramu d'unos 200 metros ye una esguilada cenciella non siendo necesariu l'usu de material d'esguilada. Les dos rutes d'aproximación más emplegaes son dende los cercanos refuxos del Jou de los Cabrones y de la Vega de Urriellu.
