Tsuana
De Uiquipedia
El Tsuana, tamién conocíu como Tswana, "chuana" sechuana, cuana o coana (setswana na propia llingua ) ye una llingua de la familia bantú. Nel interior d'esta familia, los llingüístes suelen axuntalu col sesotho y el sotho del norte pa formar el grupu de llingües sotho.
Ye l'idioma nacional del pueblu que se llama a sigo mesmu motswana (batswana en plural), términu del que toma'l so nome Botsuana. Nesti país , el chuana ye la llingua nacional y mayoritaria.
Sicasí, la mayoría de los falantes viven anguaño na República Surafricana, onde ye una de les once llingües oficiales reconocíes. Na dómina del apartheid, el gobiernu d'esti país creó'l bantustán de Bophuthatswana pa axuntar a los surafricanos que falaben esti idioma
El restu de los falantes repártese ente Namibia y Zimbabue. En total calcúlase que falen tsuana alredor de cuatro millones de persones.
Los principales dialectos son el tawana, tlhaping, el rolong, el kwena, el ngwatu, el lete, el ngwaketse, el tlokwa, l'hurutshe, el thlaro, el melete y el kgatla, nel que se basa la llingua estándar.
