Uranu (mitoloxía)
De Uiquipedia
 |
| Esti artículu forma parte de la serie Mitoloxía Griega |
| Dioses |
|
Divinidaes primordiales |
| Elencos |
| Tamién |
Uranu (Ouranos) yera na mitoloxía griega la representación de la bóveda celeste, el Cielu cielu estrelláu, fíu y esposu de Gaia, la Tierra, yera l'antecesor de muitos de los dieuses como los Titanes ou los Olímpicos. Yera representáu, davezo, como la bóveda celeste más que d'un xeitu antropomórficu. El raigañu'l sou nome tién rellación col dieu hindú Varuna, lu qu'amuesa que fou una divinidá propia de los pueblos indoeuropeos.
Fou, xunta Gaia, el rexente de los dieuses nos tiempos primixenios pero cometiéu l'erru de desterrar a los Hecatónquiros y Xigantes, los sous fíos, por monstruosos pal Tártaru. Si qu'asina Gaia, mai d'eillos, emplegóu a los Titanes, fios de dambos pa sacalos del Tártaru; pa estu animóu a Cronos a rebelase escontra'l sou pai y dióulu una foz de pedernal cola que castrióu a Uranu mientres xacía con Nyx. De los xenitales d'Uranu naciéu Afrodita y del sangre las Melíades.
D'esti xeitu finaliza'l tiempu de los Protogenos ou dieuses primordiales, y escomienza la dómina del gobiernu de los Titanes, con Cronos y Rea ocupando'l llugar dexáu por Gaia y Uranu.
