Zanzabornín
De Uiquipedia
Zanzabornín (enantes San Zabornín), ye un pueblu asturianu asitiáu nes parroquies de Pieloro (Carreño) y de Cardo (Gozón).
Tabla de conteníos |
[editar] Xeografía
El pueblu ta xebráu ente los dos conceyos pola carretera CE-1 que va dende'l Pantanu de La Granda a Candás.
[editar] Toponimia
Sigún paez el nome ye una evolución del de so patronu (San Saturnín o San Zabornín).
[editar] Demografía
Durante los primeros años d'ENSIDESA foi llugar d'abellugu pa dellos inmigrantes que dormíen n'horros y paneres del pueblu.
[editar] Deporte
Nel pueblu hai una gran afición al bolo de batiente, ye la sede de la Peña bolística Zanzabornín que cunta con bolera propia.
[editar] Comunicaciones
Al pueblu puede accedese per carretera o per ferrocarril. Nel casu de les carreteres anque atraviesa el pueblu la carretera CE-1 que va de Trasona a Candás pol Pantanu de La Granda, la meyor forma pa llegar ye diendo pela AS-110 (Tabaza - Candás) y desviase p'hacia la CE-1. En fierrucarril puede llegase al apeaderu de Zanzabornín na llínia Xixón-Cuideiru de la FEVE, en tiempos del Ferrocarril del Carreño cuntaba con estación y terminal de carga pa madera d'ocalito y pinu que tronzaben nos montes cercanos.
[editar] Ver tamién
Esti artículu ye un entamu, ampliándolu, ayudarás a meyorar la Uiquipedia
Categoríes: Entamos | Carreño | Gozón
