Usuariu discusión:Zato-ino
De Uiquipedia
|
Bienveníu/ida Zato-ino a Uiquipedia: La Wikipedia n'asturianu. Esta ye la to páxina de discusión, equí van escribite los otros usuarios. Amás, ties la to páxina d'usuariu, onde pues poner los tos datos, intereses, les llingües que fales, etc. Si ties duldes consulta l'ayuda.
|
Saludos y bienveníu a la Uiquipedia. --rsg (mensaxes) 14:49, 3 abril 2006 (UTC)
Que hai Zato-ino. Un saludu. Llévame a escribite un mensax el to apueste posibilista. Yo tamién soi de los que piensen que puen facese abondes coses pola normalización enantes d'algamar la oficialidá. Pero tamién teo perclaro qu'ensin ella nun va ser posible la normalización. Tolo que faigamos va facer ineludible la oficialización de la llingua, pero camiento que, por sí, nun será suficiente pala normalización. Episodios como'l del RIDEA evidencien que, lloñe de ser namás un frenu al desenrrollu de l'asturianu como llingua de comunicación, la falta d'oficialidá pue ser inclusive una ferramienta y una excusa pala represión. ¿Nun crees?. Jesusito 09:18, 12 mayu 2006 (UTC)
Pero ye qu'entós esti debate ye estéril. ¿Ye posibilista el llabor de l'Academia al facer el trabayu normalizador ensin oficialidá? N'esos términos de posibilismu, sí. Pero creo que lo que ta en xuegu ye la posibilidá de que xorreza el sentir de que nun paga la pena metese a oficializar nada, de que la igua toponímica y la subvención a prensa y editoriales y una mínima escolarización son suficientes... y eso, pa mín, namás nos lleva al muséu llingüísticu, a afitar l'asturianu como elementu pintorescu ensin la presencia y prestixu que necesita. De toles maneres, espero que sigamos col nuesu posibilismu particular ;) Un saludu. Jesusito 10:12, 12 mayu 2006 (UTC)
Pue tener bien poco que ver cola Wikipedia, y muncho al tiempu. Porque precisamente esti proyeutu paezme que va pela llínia de la que fales. Ensin subvenciones, ensin sofitos de negún muérganu oficial, tamos equí xente que, mal que bien, ta sacando alantre un proyeutu que ta en camín de ser dignu. Hai tiempu fice un trabayu na facultá sobre los medios de comunicación y les llingües minoritaries, y una de les conclusiones foi que n'Asturies, casualmente, danse exemplos de qu'el puxu de la sociedá civil pola so llingua nun ye mui inferior al de otres rexones con llingua cooficial. Nel casu vascu, por exemplu, nun hubo un selmanario n'euskera hasta que, a principios de los ochenta, el gobiernu autonómicu lu entamara y pagara dafechu. Per embargu, la oficialidá del vascu pudo frenar, afotunadamente, el desanicie d'esa llingua gracies a unos medios de comunicación públicos n'euskera, al so usu na alministración pública, a la escolarización... Ta claro que ha haber voluntá política, y que nuna Asturies marcada pola crisis económica y les feríes del pasáu, les cuestiones identitaries y de cultura propio nun foron a ganar puestos nel llistáu de prioridaes de los asturianos. Pero la oficialidá ye, pa mín, el colchón legal que garantizaría unes mínimes perspectives de futuru pal asturianu. Depués habrá de siguir trabayando, de xuru, pero camiento que ye un mínimu irrenunciable. Pienso qu'el posibilismu, anguaño, debe dir empobináu a la oficialidá. Saludos y disculpa pol rollu. Jesusito 16:32, 12 mayu 2006 (UTC)
[editar] Nuedu
Vaya, munches gracies pola corrección, pensé que yera la típica errata al escribir y por eso la cambié. --rsg (mensaxes) 15:01, 30 mayu 2006 (UTC)
- Oye, ya que tamos, una cosa que veo que pones munchu y que yo tengo entendío que ye al revés. Por exemplu: cayó el árbol. Tú pones Cayó'l árbol, pero yo tenía entendío qu'hai que poner cayó l'árbol. Vamos, facer l'apostrofación cola segunda pallabra. ¿Tienes idea de como ye? Saludos. --rsg (mensaxes) 15:05, 30 mayu 2006 (UTC)
[editar] Andarica
Ye verdá lo de la andarica, taba faciendolo y equivoqueme pero seguiré en ello. (xaime) De lo del bugre y la llangosta informate pq paezme que tas equivocau, y los dos tienen pinzes. La diferecia mayor ye que ye mas oscuro, negru, no roxu como la llangosta, más delgau y les pinzes mayores. Un saludu. (Xaime)
[editar] Ortografía normativa
Hola Zato-ino, toi completamente d'alcuerdu contigo. En nengún momentu quixi camudar la to forma estilística d'escribir, lo único que diba faciendo yera dir corrixendo esos defectinos (que por otra parte tamién quiero que me corrixáis los mios artículos), lo que pasa que yo como tola vida escribí eses pallabres d'esa manera, inconscientemente nin pensé que s'almitíen les otres formes, nin me plantegué comprobar esos términos nel diccionariu nin na gramática, cosa qu'acabo faer. Asina que perdona de nuevo, agora mesmo faigo los cambios y déxolo too como taba. N'adelantre tendré más cudiáu. Un saludu -Esbardu 19:38, 21 xunu 2006 (UTC)
[editar] dellos
A mi paezme que de xuru dellos ye normativu como contrauto, asi que si pues camudalo pa les proximes fueyes. Un saludu (Xaime)
[editar] Ceguesimal
¿Qué tal, Zato-ino? Cuando topé la pallabra al traducir l'artículu tuvi duldando bien de tiempu ente poner cexesimal o como tu bien dices ceguesimal. Al cabu decidí caltener la traducción fonolóxica por considerala un cultismu, pero en realidá, pensándolo meyor, nun ye un cultismu, sinón una mena d'acrónimu, y considerando la pallabra d'esta miente, sí qu'habría qu'escribila como ceguesimal. Esto recuérdame un "bilordiu filolóxicu" qu'escribiera Ramón d'Andrés nel so tercer llibru de "Cuestiones d'asturianu normativu (III)" (acabo mirar agora, ta na páxina 125), falando de cómo escribir los nomes de les lletres, no tocante a la "Gue" (y non Ge). Nesi bilordiu pon, ente otros, l'exemplu d'ONG (O-ENE-GUE, y non O-ENE-GE o O-ENE-XE) porque la G vien de Gubernamental (soníu suave). Nun ye lo mesmo, por exemplu, qu'EXB (que vien de Xeneral, soníu fuerte). Ya que'l gallegu tien la mesma fonoloxía no tocante a esti fonema, acabo consultar la so Wiki y nel so únicu artículu nel qu'apaez el mentáu sistema de midíes (gl:Forza) escriben CEGUESIMAL tamién. Asina que yo creo que sí sedrá meyor camudalo a la forma que suxeres. Gracies daveres, préstame abondo qu'haiga la xente que collabora equí seya xente con criteriu como tu; pamidea, la Uiqui n'asturianu tien abonda calidá, bastante más que la Wiki en gallegu o en vascu, magar que'l tamañu de la nuesa inda seya pequeñín. Un saludu. --Esbardu 18:21, 13 xunetu 2006 (UTC)
- Oi, camudé la pallabra na plantilla d'unidaes de llonxitú, pero nun recuerdo si lo punxi en dalgún otru sitiu, paezme que non. De toes maneres, si lo ves per dalgún otru llau camúdalo. Un saludu. --Esbardu 18:30, 13 xunetu 2006 (UTC)
[editar] Flúor
Hola, soi Esbardu otra vuelta. Tuvi acabando de completar l'artículu del flúor, y correxí dalgunes faltes. Hai dalguna cosina que camudé que te comento: - Corteya por Corteza: Almítense les dos formes, lo que pasa que como yá taba puesto como corteya nos otros elementos, por comodidá yera meyor camudar ún que non tolos demás. - "Mediante" nun esiste n'asturianu, camudélo por un cenciellu "por". - Quité un "tamién" que tamién había na edición en castellanu porque me paez que yera un error del que lo escribió en castellanu. Nun sé si habrá dalguna cosina más. Si nun tas d'alcuerdu con dalgún de los cambios dícesmelo y comentámoslo. Un saludu! --Esbardu 21:24, 13 xunetu 2006 (UTC)
[editar] Ayuda reportax
Bueno, ya sabrás que hai un periódicu interesáu en facer un reportaxe, pero claro, daquién tien que facer de portavoz. Ellos queríen xuntar a tol mundu, pero ya-yos dixe que nun ye posible. Pero claro, necesiten que daquién apaeza nel reportaxe y desplique qué ye esto y tal. Venga, anímate y a ver si podemos concretar hores y tal pa que quedes con ellos. Dicíime daqué por favor. Un saludu Jesusito 08:02, 31 xunetu 2006 (UTC)
[editar] Cantantes d'Asturies
Estes categoríes d'orixe de la xente van de menos a más en cuanto a territorialidad, así que la d'Asturies tien que ser subcategoría de la d'España. Pa mi ye meyor dexalo así, porque sinon tendríemos que facer lo mesmo pal resto de categoríes XXXX d'Asturies, ya que ye perimportante mantener la mesma estrectura en tola Uiquipedia. --rsg (mensaxes) 12:48, 2 agostu 2006 (UTC) P.D.:Perdón pol retrasu al contestate, ye que taba "de vacaciones".
[editar] Xera
Yá ta. Treslladé'l grupu a Xera (grupu) y dexé Xera como una dixebra pa les dos posibilidaes. La revista pue dir por exemplo en Xera (revista). ¿Paezte bien? --rsg (mensaxes) 11:05, 5 setiembre 2006 (UTC)
[editar] Babayada
Hola, zato-ino. Bono, yá lo borró rsg. Creo que nun había dulda de qu'había que lo borrar... ¿Cómo se nos pasaría velo enantes? Un saludu. --Esbardu 17:47, 2 ochobre 2006 (UTC)
[editar] Baile/Baille
Bones, Zato-ino. Nun foi la mio intención ofendete al camudar "baile" por "baille", foi namái porque si te das cuenta pa baile nun furrulaba l'enllaz (apaecía en roxo) y con baille si. Salú -- VityUvieu 15:03, 24 ochobre 2006 (UTC)
[editar] Gratitude
Muchas Gracias Zato-ino!
May the Lord bless you!
--Jose77 00:49, 1 avientu 2006 (UTC)
[editar] Plantilla de Borrar
Nun lu ficieras mal, fui yo que confundime de plantilla, de toes formes ya ta iguáu por Esbardu. Un saludu.--Mikel (mensaxes) 02:58, 23 payares 2006 (UTC)
[editar] Correcciones de VityUvieu
Bones. Sientolo de verdá, ye qu'a vegaes pongome a iguar fallos que realmente lo son (como fallos d'apostrofes) y pongome a facelo como si lo escribiere yo. Y non, nun yes repunante dicesme los erros que cometo y te lo agradezo. Un saludu VityUvieu 16:54, 8 xineru 2006 (UTC)
Bones de nuevu, faigome responsable de fallos non intencionaos como "desenrrollar" pero tu como toos tamién cometes fallos nos tos artículos y nun creo qu'al correxilos incluya más pallabres incorreutes de les que yá había. Un saludu VityUvieu 19:21, 5 de marzu 2006 (UTC)
[editar] Correcciones d'Astur
Primero: nun sé si ye equí el sitiu pa facelo, pero soi nueu na Uiquipedia y entá nun me sé toles coses. El casu ye qu'escribí un artículu y tá correxíu. Gracies. Gracies porque les tildes nunca foron lo mío. Pero per otru lláu, la corrección del "comu" en "como" nun toi d'alcuerdu. L'adverbiu "Comu" permítese (Academia de la Llingua Asturiana)nes oraciones ensin antecedentes qu'espresen el mou o la mena na que se lleve a cau l'aición del verbu del que dependen "fay-lo comu meyor veas"; o nes que s'espresa comparanza o rellación d'equivalencia, semeyanza ente dos entidaes "fala comu so má"... ; cuandu ye interrogativu "¿Cómu lo fizo?"... permitiendo tantu "Comu" comu "Como"... arf, arf. O seya que valen les dos: "fala comu so má" / "fala como so má". Sinón... na mesma páxina l'Academia la llingua, puen vese exemplos asoleyaos de "comu" n'arróu de "como": "La música comu recursu didáuticu nel deprendimientu del asturianu na educación primaria", de X.Ignaciu Fonseca"; "La lliteratura comu xuegu", de Vicente García Oliva... etc. Prestaríame saber qué camientes . gracies. Astur 18:41, 31 xineru 2007 (UTC)
- Pues munches gracies otra vegada poles correcciones. Los títulos de los llibros que t'apunté correspuenden a feches de: 1997 "La lliteratura comu xuegu", 1990 "La música comu recursu didáuticu nel deprendimientu del asturianu na educación primaria", "La ellaboración doméstica del pan nel oriente d'Asturies comu espresión de l'autarquía campesina tradicional" 1995, o seya que COMO tu dices (voi dir avezándome a ponelo..), n'algún puntu L'Academia camudó les Normes, magar que nun atalanto porqué... El casu ye que nun tamos falando de zones cerraes, namái tienes que dir a Llangréu, u les presones, ayenes a les normes de L'Academia (que yo respeto) siguen falando y diciendo "comu". Per otru lláu, entrugábesme d'aú sacara yo eses Normes de les que falaba,... d'unos cursos fechos en Sotrondio, subvencionaos pola Conseyería de Cultura, cuandu entá naide taba sensibilizáu (¿güei si?) pola llingua y cuandu falar asturianu, yera falar mal, y les Normes de l'Academia taben dando los primeros pasos, y daqué garraes con pinzes. Un saludu, collaciu. P.D. Echaime un gabitu coles tildes xD
Más coses: echando un güeyu pola Uiquipedia afayé dellos artículos con xiros Orientales ya Occidentales ( Hestoria de los Balcanes ) ( Llionés ( País Llionés )) aú faen usu d'espresiones, (otra vegada... "asina comu los escobios"); Nun siguen les Normes de l'Academia? De xuru voi metete nún aprietu. xD --Astur 12:47, 3 febreru 2007 (UTC)
[editar] Xeoide
Gracies otra vegada. Ya vos dixe que lo de los acentos y los apóstrofos nun yera lo mío, (pásame lo mesmo col castellanu y col inglés), Güei adelantásteme xD. El casu ye que grabé l'artículu bien de nueche y namái-y eché un güeyu per enriba a la ortografía cola intención de revisalu güei. Pero coime, tais enriba d'ún y nun dais tiempu...!
Total, que diba camudar unes coses (como lo de l'elipsoide de revolución), qu'entá nun me parez apropiao ponelo ehí, sinon más bien merezse un artículu nueu. La Topografía ye lo mío, y por eso barruntaba el ponelo n'otru lláu. (Tá sacao de la Wiki en castellano: namái tradúxelo, camudé-y el debuxu...y entá tenía de facer les categoríes) Fálten-y coses al artículu, pero como entá nun se poner les fórmules de l'Elipsode de Hayford, Coordenaes Lambert, ehí quedó.
Paezme que los apóstrofos que punxe taben mal porque primero fáigolo too en Word , (pillo d'equí, d'ellí, voy poniendo les semeyes...,y lluéu d'igualo una mica, fáigolo too na Uiqui), y debe ser que los apóstrofos del Word nun valen. Taré sollerte pa otres vegaes.
Una entruga: Por qué lo de: "Ye una superficie que se toma como referencia pal determín de les ellevaciones" n'arrou de: "Ye una superficie que tómase como referencia pal determín de les ellevaciones" ? Sabíes que diba a entrugátelo xD (Yo por más que les lleo suéname meyor la segunda)
Más coses. Hai daquién trabayando nuna llista d'asteroides. Hai permisu pa facer daqué parecío pero na categoría de micoloxía? Barrunto que son unes 300. Pue salir un trabayu curiosu. (Ya vería como me les apaño pa facer los cuadros y eso) Ye namás una idega.
Un saludu.--Astur 12:25, 7 febreru 2007 (UTC)
[editar] Xeoide, y 2
Nun toi pa nada molestu, tolo contrario. Voi dexalo too tal y como tá agora. El casu ye que nun me dió tiempu pa facer dalgunes igües que barruntaba, y ya pasaras tú perehí.
Ye "llegal" copiar un testu tal cual vien d'una Wiki, o seya, ponelu calcáu pero n'asturianu? Y de un llibru que tien ya venti años?
Un saludu, --Astur 13:13, 7 febreru 2007 (UTC)
[editar] Gauss
Tenía un link nel artículu del Xeoide que diba al de Gauss. Calqué nél y tuve lleendolu. Muy buenu. Namás unes coses "Ye famosa l'anécdota [...] corrixó na so cabeza un error que so padre cometiera mientres facía un cálcule de finances. Tenía Gauss [...]. ¿Cómo lo fiza Gauss?
Lo de cabeza, yo pondría "tiesta". Nun me parez que sea hiperasturanismu xD, sinon que na nuesa llingua queda-y meyor. Pero como ye cosa de gustos, y nel Diccionariu de la Llingua tan les dos, ehí queda. Prefiero que faigas tú les correcciones, que pa eso el artículu ficístelu tú.
Un saludu. --Astur 13:51, 7 febreru 2007 (UTC)
[editar] Juan Antonio Cabezas
Hola Zato-ino: L'artículu según Dixebra yá ta iguáu (mira na páxina de discusión de Juan Antonio). Si ye asina, podíemos conservalu, yo nun tengo'l periódicu pa verificalo. --Bar 14:51, 21 febreru 2007 (UTC)
[editar] Animo
Veo que tas un pocu desmoralizáu con lo que ta pasando en wikipedia, y nun ye pa menos. Tamién a min m'ofiende sobremanera ver como se multipliquen los delirios llingüísticos y ideolóxicos, como si de venti años p'acá tol llabor d'escritores, llingüístes y estudiosos de la nuestra llingua nun valiere pa nada.
Ye ésta la grandeza y la miseria de wikipedia, que tien el mesmu valir lo qu'escriben el sabiu y l'ignorante, el discursu razonáu y la discusión de chigre o de parvulariu.
Sicasí, va tiempu que toi convencíu de que wikipedia podía ser ún de los meyores proyectos pa esparder y democratizar el conocimientu ente la humanidá, a la par que se -yos devuelve la dignidá que merecen a llingües como la nuestra. Has de perdoname si too eso suena un poco grandilocuente, pero ye lo que pienso de verdá. Personalmente, aprecio bastante la mayor parte de los artículos qu'escribisti, y puedo dicir que, en viendo la to firma nún d'ellos, nun necesito otra prueba pa saber de la so calidá.
Por too ello, diba pesáme muncho qu'abandonares les tos collaboraciones na wiki, anque entiendo bien que teas fartucu d'andar peleando too siguío colos mesmos molinos. Igual lo meyor que facíes yera tomar un tiempu de descansu, dedicate a coses bien diferentes d'esti proyectu y volver un día, con nueves fuerces, si consideres que tovía val la pena. En cualquier casu, decidas lo que decidas, gracies polo que tienes fecho hasta agora. Motán
- Dígote lo mesmu que Motán, gracies pol tu trabayu y si tas cansáu, pues descansa un tiempu y llueu a trabayar con más ganes. Hia veces que ye duru pelease por tantes histories y lo meyor ye nun dexar que nos afecten. Imaxínate, si ya hai problemes equí, lo que ye la wiki en castellanu... pero pienso como Motán, esti proyectu ye la XXXXXX (censuráu xD) y mereza la pena tirar palante. Saludos. --rsg (mensaxes) 18:19, 14 marzu 2007 (UTC)
