Bozn
Aus Wikipedia
 |
Der Artikl is im Dialekt „Sidtiroularisch“ gschriem worn. | |
| Wappn | Koartn |
|---|---|
 |
 |
| Basisdatn | |
| Gmoand: | Bozen (ital.: Bolzano, lad: Bulsan) |
| Bezirksgmeinschaft | Bozen |
| Provinz: | Bozn (Sidtiroul) |
| Region: | Trentino-Sidtiroul |
| Stååt: | Italien |
| Einwohna (VZ 2001 / 30. September 2006) | 94.989 / 99.612 |
| Sprachgruppn (laud Voikszählung 2001) | 26,3% deitsch 73,0% italenisch 0,7% ladinisch |
| Fläch / Dauasiedlungsraum: | 52,3 / 28,0 km² |
| Koordinatn: | Koordinaten: 46°30' Nord, 11°22' Ost 46°30' Nord, 11°22' Ost |
| Meereshöhn (NN): | 232 - 1.616 (Zentrum 262 m) |
| Stådtviertl: | Zentrum - Bozner Boden - Rentsch (Centro - piani - Rencio), Oberau-Haslach (Oltrisarco - Aslago), Europa-Neustift (Europa - Novacella), Don Bosco, Gries-Quirein |
| Nachbargmeindn: | Deutschnofen, Eppan an der Weinstraße, Jenesien, Karneid, Leifers, Pfatten, Ritten, Sarntal, Terlan |
| Påtnaschaft mid: | Ödenburg (Sopron) |
| Postleitzoi: | 39100 |
| Vorwoi: | 0471 |
| ISTAT-Numma: | 021008 |
| Autokennzeichn: | BZ |
| Steianumma: | A952 |
| Politik | |
| Biagamuasta: | Luigi Spagnolli |
Bozn (in einheimischn Dialekt a Boazn) isch di Hauptstadt fa der autonomen Provinz Sidtiroul in Italien. Der italienische Nomen isch Bolzano, da ladinische Bulsan.
Bozn liegg an die Flüss Tålfer (ausm Sarntål), Eisack (Eisacktål) und Etsch (Vinschgau und Burggrofnåmt). Bozn isch a zentraler Verkehrsknotenpunkt Sidtirouls mit Vabindungen nåch Meran (Schnellstraße MeBo), ins Unterlånd und weitr noch Trient (Autobahn), und ins Eisacktål (ebenfolls Autobåhnverbindung)
Im Gegnsåtz zu die eha ländlichen Gebiete fo Sidtiroul, wo deitsch gredt weart, isch Bozn mehrhaitlich italienischspråchig (ungefähr 73 Prozent). Bozn isch Sitz fo dr südtiroler Låndesregierung und mit Trient zsommn Hauptståd und Verwåltungssitz fo dr Region Trentino-Südtirol.
Die Einwohnrzåhl betrogg 99.612 (nåch a Statistik vom Herbst 2006)
Inhaltsverzeichnis |
[dro wärkln] Gschichte
Bis ins 18 Jåhrhundat eini wor Bozn a kloane, eher ländlich geprägte Stodt. Donn hot ober dr Turismus ungfången und di erstn Fabrikn (z.B. Baumwollspinnereien) sein gebaut wordn. Bozn håt vor ålm vo seinr günstign Log auf dr Håndelsstreck Augsburg-Venedig profitiert, deshålb ischs a schun friah zu an Messeståd gwordn. Bol Südtirol nåchn Earschtn Weltkriag zu Italien kemmen isch, håt sich die Einwohnrzåhl schnell durch gezielte Ånsiedlung fa Italiener vagreaßert. Schwar- und Ristungsindustrie isch ångsiedlt gwordn, um in di Italiener an Årbeit zu gebn. Des wår oane vo di Såchn, de der Benito Mussolini vasuacht håt, um die Sidtirouler zu italianisieren, zu "assimiliern". Bozn und die Nochbårgemeinde Leifers sein heint aus dem Grund mehrheitlich italienisch. Durch die Ånsiedelungspolitik isch die Einwohnrzåhl vorn Zwoatn Weltkriag zwischenzeitlich auf 120.000 ungschtiegn. Dazua isch obr no zu sågn, dass a schun vorn Earschtn Weltkriag Italienr in Bozn und im Untrlond vo Sidtiroul gleb hobn, de währnd da östareichisch-ungarischn Monarchie und bsunders in die Jåhr 1914-1918, bol men gegn Italien gekämpft håt, unterdrückt wordn sein. In Salurn und Branzoll isch die Mehrheit vo die Einwohner a italienischer Muttersproche. Des sein ober einheimische Italiener, de trientner Dialekt redn.
[dro wärkln] Architektur und Sehenswürdigkeiten
Die Architektur fa Bozn isch fa die Italienisierungsvasuche gekennzeichnet. Es lossn sich heit no leicht östarreichische und italienische Architektur unterschein. S' Zentrum isch eindeutig öschtarreichisch mit Laubn, Walterplotz und Bozna Dom, währnd weita aussaholb s' italienische übawieg. Zwischn nen Bozner Zemtrum und der Fraktion Gries (de a mehrheitlich deitsch isch) isch in der Faschischtnzeit a groasse Prunkstrossn gebaut wordn, die Freiheitsstrossn, de in Richtung Tålferbruggn in Siegesplotz endet, af dem es vieldiskutierte faschistische Siegesdenkmol steat. In Südostn fa Boazn befindet sich die obngnonnte Industriezone, in Südwestn gonze Viertel Kondominien (sidtirolerisch fir gemeinschoftliche Reihenhaiser) und Hochheiser, de vorwiegend fa Italiener bewohnt werdn. Zwischn Bozn und Leifers befindet sich a der Bozner Flughofn, der zwor seit Johren roate Zohln schreib, ober laut Willn fa der Londesregierung mit an Haufn Steiergelder weiter ausgebaut werdn soll.
[dro wärkln] Es Siegesdenkmol
Es Siegesdenkmol (fa ere Südtiroler a Faschistntempl gnonnt) isch auf die Initiative von Mussolini hin gebaut und 1928 von italienischn Kinig eingweiht worden. Monche Südtiroler empfindens als Provokotion und a als traurige Errinnerung an die Loadn der Südtiroler Bevölkerung während'n Faschismus. Desholb wollt man in Plotz, auf dem s' Siegesdenkmol steaht, a in "Friednsplotz" umbenennen, wos oba vo da mehrheitlich italienischsprochign Bevölkerung in Bozn im Johre 2002 durch a Referendum oglehnt wordn isch. Die Kontroversen ums Siegesdenkmol dauern ober weiter un. Da Bau isch nit lei wegn seines Initiators so umstritten, sondern vor ollem a wegn da eingemoaßelten Inschrift, de wia folg lautet:"Hic patriae fines siste signa. Hinc ceteros excoluimus lingua legibus artibus", af deitsch: "Hier als Grenzen des Vaterlandes hisse die Fahnen. Von hier bildeten wir die übrigen durch Sprache, Gesetze und Künste.". Net lei das des natürlich net stimmp und als Erniedrigung vo die Südtiroler empfunden weard, da Spruch stommp a no aus a Zeit, in der weit üba die Hälfte fa di Italiena Analphabeten woarn.
[dro wärkln] Es Laurindenkmol
In leschto Zeit isch a ums Laurindenkmol (stellt die Dolomitensage dor), des in Bozn zwischn die Londhaisa aufgschtellt isch, diskutiert wordn. Es zoagg in Dietrich (a Germane), der in Laurin (a Romane) niedakämpf. Da Laurin lieg in Dietrich zu Fiaßn. Gegner des Denkmols vaweisn auf die Zeit, in der's gebaut wordn isch, a Zeit mit aufkommendn deitschn Nationalbewusstsein, und argumentieren, dass vor ollem die Ladiner fa di Dolomitentäler es als Beleidigung empfinden kanntn, dass in Versuach der traurigen Unterdrückung fa di Ladiner seitens der Südtiroler a no mit am Denkmol gewürdigt weard.
[dro wärkln] Gegenwart und Zukunft
Nochdem die Einwohnerzåhl in die leschtn Johrzehnte kontinuierlich gsunken isch, steigt sie wieder, wos vor ållem der deitlichn Verjüngung der Stodt zuazarechnen isch. Bozn hot heit a dreispråchige Universität mit Außenstellen in gonz Südtirol und kannt somit in Zukunft a richtige Studentenstodt wie Innsbruck (bis heit Hauptonziehungspunkt südtiroler Studentn) wearn. A hott sich es Zommnlebn fa die vaschiedenen Volksgruppen deitlich vabessert. Im Gegnsotz zu die letzn Johrzehnte, wo die südtiroler Bevölkerung vo ollem domit beschäftigt wor, ihre Autonomie durchzusetzen, isch Bozn heit a moderne Stodt, de Vorbild für viele andere Städte mit Zwoasprochigkeit sein kannt, obwohl's logisch a no Probleme gib, wie z.B. die meisten unter der Armutsgrenze lebenden Menschen in Sidtirol, die effiziente Lösung fa die Probleme in öffentlichn Nohverkehr, neie Båhnhofsplanung usw., de's in Griff zu kriagn gilt.
[dro wärkln] Bozner Kuchl
Bozn hot als südlichste deitschsprochige Stodt a charakteristische Kuchl. Nebn die klassischn sidtiroler Produkte wia Knedl und Plent sein in Friahjohr Sporglen mit Boznersoß beliebt. Typische autoktone Weine fa Bozn sein der Lagrein (deswegn werdn die Griesner a "Lagreinschedl" ghoassn) und der Magdalener, a leichter Wein (1 Toal Lagrein und 7 Toal Vernatsch) der lei af der Nordseitn fa Bozn ongebaut werd.
