Georg Hackl
Aus Wikipedia
 |
Der Artikl is im Dialekt „Berchtsgoanarisch“ gschriem worn. | |
Georg Hackl (* 9. September 1966 in Berchtsgoan), gnennt Hackl Schorsch, is a ehemoliga deitscha Rennrodla. Zua seine gräißtn spoatlichan Eafoijg zäijn drei olympische Goijd- sowia zwoa Sijbamedaijn im Oasitza, de ea bei sechs Teilnoma in Foijg vo 1988 bis 2006 darunga hot.
Inhaltsverzeichnis |
[dro wärkln] Spoatlaafbo
Hackl is iaba de Schuij zim Rodlspoat kemma unn woa aa deitscha Schülamoasta. Ea hot de CJD Christophorusschulen Berchtesgaden bsuacht.
Sei groaße Karriea hot 1987 mim Gwinn vo da Deitschn Moastaschoft bgunna, de ea im Laaf dea Zeit 16 moij daringa soijt. Scho im Joa drauf hoda aa no de Eiropamoastaschoftn fia si entscheidn kinna unn in seina bis dohi eafoijgreichstn Saison aa no de Suijbamedaije bei den Olympischn Winterspuij in Calgary hinta Jens Müller (DDR) gwunna.
1989 is a zuam easchtn Moij Weijtmoasta woan unn hot se den Weijtcup-Gsomtsiag ghoijt. Des hot ea im Foijgejoa sogoa no steigan kinna, oijs ea neban WM unn Weijtcup a no de Europamoastaschoftn gwunna hot.
Bei de Olympische Wintaspuij 1992 in Albertville hot ea easchtmoijs de Goijdmedaije gwunna. Im naxtn Joa is ea Vize-Weijtmoasta woan unn hot oijs Mitgliad vom deitschn Teams WM- Moschoftsgoijd gwunna, wos ea, nochdem ea 1994 in Lillehammer abermoijs Goijd im Oanzl ghoijt hot, 1995 wiadahoijn hot kenna.
Noch da aneitn Vize-Weijtmoastaschoft 1996 Hot ea 1997, nua 100 Tog noch a Bondscheimoparation, den Spitzenplotz zruckeaoban kinna unn is Weijtmoasta woan. A bei de Olympische Spuij im Foijgejoa woa ea net z' schlogn unn hot se eaneit Goijd ghoijt.
Noch am Stuaz beo am Weatungslaaf hot Hackl 1999 ausgrechnet bei da WM auf seina Heimbahn in Keenigssää zum easchtn Moij seit vuijn Joan a bittane Niedalog eistecka miassa. Noch WM- unn EM-Moschoftsgoijd 2000 hat ea 2001 wiada Vizeweijtmoasta wean sowia nochamoij Moschoftsgoijd hoijn kenna.
Bei de Olympische Spuij 2002 in Salt Lake City hot ea Suijba unn domit sei insgsomt finfte olympische Medaije gwunna.
2003 is Hackl bei da WM nua 16. in da Einzelweatung woan, hot se donn aba mit da Moschoft wiada Goijd ghoijt. 2004 unn 2005 hots wiada zua Vize-Weijtmoastaschoft glongt, unn 2005 aa no eaneit zua WM-Moschoftsgoijd.
Des End vo seina Karriäa woa obsehba, oijs ea si 2005 eaneit on da Bondscheimn oparian hot lassa miassa. Im Januar 2006 hot eam a schware Wiarusgrippn mit 4 kg Gwichtsvalust unn finf Tog Kronknhausaufenthoijt bei seina Olympiavoabreitunga zuruckgwoafa.
A Närvnentzündung im linkan Oam hot bei den Wintaspuij 2006 in Turin zua schlechtn Stoatzeitn gfiat unn eam d'Hoffnung auf Brons gunmma. In seim letztn Einzelrenna hot ea den 7. Rang blegt unn domit sein Karriäa im Rodlspoat ohne a Medaije beend.
Da Hackl Schorsch guijt oijs weijtweit eafoijgreichsta Rennrodla, do ea auf olle nomhafte Rodlbohna Siag deazüijn hot kenna unn iaba 18 Joa oijwei dea Spitz vom Rodlspoat onghöat hot. Ea woa oijs passionieata Tiftla bekonnt, dea si in jeda freian Minut seine Schlittn unn seinm Spoat widmet.
Beruafstäti woa Hackl wäand seina Karriäa oijs Spoatsoijdat beim Barras, wo ea den Dienstgrod von am Hauptfeijdwäibij eignumma hot.
[dro wärkln] Gaudi-Spoat
Am 4. März 2004 hot Hackl an dea vom Stefan Raab inszeniertn „2. Offiziellen Wok-Weijtmoastaschoft“ teilgnumma, bei dea a Wok oijs Schliedn deant, unn hots gwunna. Den Titl hot ea am 5. März 2005 vateidigt unn dobei a Heijchstgschwindigkeit vo 87 km/h dareicht. Bei de Olympischn Wintaspuij in Turin hot ea no in am Feansää-Intaviju bekonnt gemn, dass ea den Titl aa 2006 vateidign woijat. Des Zuij hot ea knopp vafeijt unn den Titl on Joey Kelly obgemn miassa.
[dro wärkln] Sozieuijs unn bolidischs Angaschment
Fia de Aktionsgruppe „Kinder in Not“ e. V. (Windhagen im Westerwald) angaschiert si Hackl seit Joan oijs intanationala Boatschofta. Seit Apruij 2004 is Georg Hackl aa da Schiamhea vo da Stiftung „Juvenile Adipositas“ mit Sitz in Bischofswiesn.
Bei da Kreistogswoij 2002 im Berchtsgoana Land is Hackl fia de CSU ondredn. Ea hot de zwoatheijchste Stimmanzoij darunga unn is domit zuam Kreisrot wäijt woan.
Fia de Woijn ins Internationale Olympische Komitee (IOC) wäand da Olympischn Wintaspuijn 2006 in Turin hots olladings net glongt – vo 15 Athletn, de se um zwoa freie Plätz in da Athletenkommission des IOC bewoamn hom, is Hackl bloß finfta woan.
[dro wärkln] Weblinks
| Wikiquote: Georg Hackl – Zitate |
- Aktionsgruppe „Kinder in Not“ e.V. (Menüpunkt: Georg Hackl)
- Adipositas-Stiftung (Menüpunkt: Aktuelles)
Vorlage:Navigationsleiste Olympiasieger im Rennrodeln Vorlage:Navigationsleiste Weltmeister im Rennrodeln Vorlage:Navigationsleiste Europameister im Rennrodeln Vorlage:Navigationsleiste Weltcupsieger im Rennrodeln
| Personendaten | |
|---|---|
| NAME | Hackl, Georg |
| ALTERNATIVNAMEN | Hackl-Schorsch |
| KURZBESCHREIBUNG | deutscher Rennrodler unn dreifacher Olympiasieger |
| GEBURTSDATUM | 9. September 1966 |
| GEBURTSORT | Berchtesgaden, Deutschland |
