Josef Filser
Aus Wikipedia
 |
Der Artikl is im Dialekt „Obaboarisch“ gschriem worn. | |
Josef Filser is a vom Ludwig Thoma dafundne Figur vom Ofang vom 20. Jahrhundart.
Inhaltsverzeichnis |
[dro wärkln] De Figur
Da Josef Filser is in da Mittn vom 19. Jahrhundart im ebnfois dafundn Mingharting geborn. Er is Baur und a boarischa Landtagsabgeordneta. Fo da Einstellung hea is a erzkonservativ und königstreu. In seine Briaf, de a nach Haus an sei Frau Mari, aba a in seina politischn Funktion schreibt, vawendt a entweda sei einge Sproch oda vasuacht a so z'schreim wia ea moand, daß a recht gschwoins Hochdeitsch ausschaung dad. Des haud bei eam aba beids ned ganz hi.
Zserst gab's de Gschichtn nua ois erfundne Briaf, spata hod sei Schöpfer des Ganze zu na Bühnenrolln weidaausgarbart. No spata in Film und Fernsehn is dann a rechts Schlitzohr aus dera Figur worn.
[dro wärkln] Historischs Vorbuid
S' Vorbuid fia de Figur war da Biagamoasta vo Ruhpolding Georg Eisenberger, dea a Landtagsabgeordneta war. Er war a recht bliabta boarischa Politika in da Zeit foa da Machtübernahma durchn Adolf Hitler. Er is a in der Gschicht "Andreas Vöst" vom Ludwig Thoma ois Vorlag vawendt worn.
[dro wärkln] In da Zeitung
Da Ludwig Thoma hod de Briaf vom Josef Filser zwischn 1907 und 1912 imma wiada moi in da satirischn Wochnzeitung "Simplicissimus" vaöffntlicht. Da Karikaturist Eduard Thöny hod zua de dargstelltn Ereignissen Zeichnunga gmacht.
[dro wärkln] In Biacha
Mit dem Titel "Briefwechsel eines bayrischen Landtagsabgeordneten" wurd da gsammelte Schriftvakehr 1909 vom Albert Langen in Minga herausgem. 1912 hods mit "Jozef Filsers Briefwexel - 2. Buch" a Fortsetzung gem. Beide Biacha enthielten wia de Zeitungsbeiträg a Buidl vom Eduard Thöny.
[dro wärkln] Da Begriff Filserbriaf
Fo dera Gschicht hod se da Begriff Filserbriaf fia alle Texte abgleit, de in irgndna Form schlecht gschrim han.
[dro wärkln] Englische Filserbriaf
In da Siddeitschn Zeitung hods a Zeitlang a Serie mit englische Filserbrief gem. Do hod de Gisela ihrm englischn Freind Peter iaba aktuelle politische Themen gschriem. Zua dea Zeit zum Beispui iaba an "Federal Helmut" und an "Federal Richi", oiso an Bundeskanzler Helmut Kohl und an Bundespräsidentn Richard von Weizsäcker.
