Karsten Wettberg
Aus Wikipedia
Da Wettberg Karsten (* 10. Nofemba 1941 z Friesack) is a boarischa Fuasboi-Trainer und da beste boarische Amateur-Trainer vo alle Zaitn. Ea hod so guad wia alle Mannschaftn, de wos a trainiad hod, minimum in d naxthechere Klass auffebrocht.
As Baispui, des wo ma r am bestn kennt, is Sechzge, da TSV 1860 München, mid n Aufstieg 1991 in d zwoate daitsche Bundesliga.
Seit dera Zeit hoast ma r an Wettberg z Minga und iwahaupts an "Kini vo Giasing".
In Moment is da Wettberg Trainer von Freien TuS Regensburg in da boarischn Landesliga Mitte.
Garwad hod da Wettberg auf da Post z Inglschtod. Do war a Oberamtsrat, Schef von Personalrat und vo da Postgwerkschaft.
Etzad is a in Pension, owa oiwai no aktiv in Kraisdog vo Kelheim fia d SPD.
Da Wettberg Karsten is a oida Sechzga, und deszweng daad a r aa kandidian fian Präsidentn vo 1860. Da Aufsichtsrat vo Sechzge und de 228 Delegierten schaffan do o in Lenzmonad 2007.
Wos do aussakummt, des woas ma no ned.
Kategorien: Månn | Sportla | Fuaßboi
