Weißwuascht
Aus Wikipedia
 |
Der Artikl is im Dialekt „Obaboarisch“ gschriem worn. | |
(mir redn do vo da Münchner Weißwurscht, ned vo da Hambuaga oder so am Zeig)
D Weißwuascht (Plural: Weißwiascht) is a Wuascht, gmacht aus am Koibsfleisch (do in Hauptsach vom Kopf), am Schweinerücknspeck und am Haufn Gwürz wia Bätasuii und Kardamon. De Fååb (Weiß) hots, weis voam Wuaschtn ned gsoichd oda gsodn wean. Desweng hot ma friera, wos no koane eledrischn Kühlschränk gem hod, de Weißwirscht frisch gmacht und no voam Mittag gessn, weis sunst schlecht woan warn.
[dro wärkln] Vazeah
Es existieren – ähnlich wia beim Bier – vui "Vazeahregeln" zum Vazeah vo Weißwiascht.
- Wenn de Weißwuascht as Zweif-Uhr-Leitn heat, gibts a Watschn! (Weiß friera eben schnoi schlecht woan san.)
- Zua Weißwuascht dazua gibts Brezn.
- Zua Weißwuascht dazua gibts an siaßn Semf oda an Weißwuascht-Semf.
- Zua Weißwuascht dazua gibts zwoa oder mehra Bier.
- De Weißwuascht werd auf auf alle Fälle bratzerisch (mid de Finga) gessn, entweder zuzelt oda ma beißt sammt da Haud ob. Wåmma a Bstegg hernehma wui, dann soin mas da Leng noch aufschnein und nacha obschäin, aba gar nia ned in Scheim schnein.
- Nia werdt de Weißwuarscht mit Ketchup g'essn.
- Des Ollaschlimmste is oba, wenn ma a Weißwuascht grillt.
De Regln variian aba vo Region zu Region. In Niedabayern is ganz unüblich, dass zuzld wead. De Regln kemman oft vo Leid mit übadrimna Bayerischtum (meistns Leid aus Minga).
[dro wärkln] Ondari Bedeitungen
- De Eisnbohna songan za ean ICE Weißwuascht. Des is owa ned bes, sondan gonz liab gmoat.
- De Allionz-Arena in Minga wad wega iam Aussehn (weiße Luftpoista) aa Weißwuascht gnannt.
- De Donau wead a Weißwuascht-Äquator g'hoaßn, weil's nur links un rechts davon (gscheide) Weißwiascht gibt. Andane seng d'Donau a weng üwaheblich ois Grenz vom "gscheidn Baian", am Owabaian und am Einflußbereich vo Minga und seine Weißwiascht o und nennans deszweng a so.
