Franche-Comté

Gikan sa Wikipedia, ang gawasnong ensayklopedya

Ang Franche-Comté usa sa 26 ka mga rehiyon sa Pransiya. Kini usa usab ka tradisyonal nga lalawigan sa maong nasod. Kini gitibuok sa mga departamento sa Doubs, Jura, Haute-Saône ug Territoire de Belfort.

Ang mga dagkong dakbayan sa Franche-Comté mao ang sumusunod:

• Besançon, ang historikal ug modernong kapital sa rehiyon
• Belfort
• Montbéliard (Aire Urbaine Belfort-Montbéliard-Héricourt-Delle)
• Dole, ang kapital sa rehiyon sa wala pa kini masakop ni Louis XIV sa ulahing bahin sa ika-17 nga siglo
• Vesoul, ang kapital sa Haute-Saône
• Lons-le-Saunier, ang kapital sa Jura

[usba] Kasaysayan

Ang ngalang Franche-Comté wala mopakita hangtod sa tuig 1366. Hangtod sa 888, ang maong dapit usa ka teritoryo sa Burgundy, ug gidumala sa Balaanong Empiryo sa Roma sa 1034. Sa tuig 1477 ang Burgundy gisakop sa Pransiya ug ang rehiyon sa Franche-Comté nabulag. Sa tuig 1556 kini nabalhin sa Espanya. Sa tuig 1668 kini giokupar sa Pransiya apan giuli ngadto sa Espanya ubos sa Tratado sa Aix-la-Chapelle. Miusab pag-okupar ang Pransiya sa tuig 1674, ug kini gibalhin na gayod ngadto sa Pransiya ubos sa tratado taliwala sa Espanya ug Pransiya nga gipirmahan sa dakbayan sa Nijmegen, Septiyembre 19, 1678.