Odin
Oddi wrth Wicipedia, y gwyddoniadur rhydd.
Odin (Hen Norseg Oðin) yw brenin y duwiau ym mytholeg y Llychlynwyr a'r pobloedd Germanaidd. Mae ganddo un llygad yn unig ac mae'n cael ei hebrwng gan ei frain hud Hugin a Munir. Enw ei geffyl yw Sleipnir.
Y dduwies Frigga yw gwraig Odin. Yn ôl rhai fersiynau o'i chwedl mae'n dad i'r duw Thor. Mae sillafiad ei enw yn amrywio. Roedd y Germaniaid yn ei alw'n Wodan neu Wotan.
Roedd yn dduw rhyfel, gwybodaeth a barddoniaeth ac yn meddu ar alluoedd hud a lledrith grymus. Mae'n noddi arwyr a rhyfelwyr ac yn eu hamddiffyn ar ôl eu marwolaeth, pan gaent eu hebrwng gan y Valkyriaid i Valhalla, neuadd Odin yn Asgard, cartref y duwiau.
Roedd ei chwant am wybodaeth mor gryf nes iddo aberthu ei lygad de er mwyn yfed o ffynnon wybodaeth Mimir.
Ar ddiwedd y byd bydd Odin yn arwain y duwiau da yn erbyn lluoedd y fall ac yn ymladd â'r flaidd ofnadwy Fenris i amddiffyn Asgard.
Mae'r ffurf Hen Saesneg ar ei enw, Woden, i'w gweld o hyd yn yr enw Saesneg Wednesday ("dydd Woden").
