Mòdna
From Wikipedia
 |
Artéccol in dialètt mudnés |  |
|---|---|---|
Mòdna (Modena in italiân, capolôgh d'la sô pruvèinza, 180.638 cristiân) l'è 'na zitè d'l'Emilia-Rumàgna, c'la-s càta in mêz a dô fiómm, la Sáccia a snéstra e al Panêr a destra. L'è famósa ad un livêl internaziunêl pàr l'indóstria automobilistica (Ferrari, Maserati e Lamborghini i én tót cà automobilistiche mudnési) e pàr l'azê balsàmich.
Mòdna l'è la sêd ed óna d'al pió antighi universitê dal mánd e la sêd d'l'arcivescòv; l'è anca stèda, per di mòndi tèimp, la capitêl dal duchê d'i Este. Al Dóm ed Mòdna, la tôr campanaria ciamèda Ghirlandèina e la Piâża Grànda i én stèdi numinèdi patrimoni mundièli d'l'umanitê da l'UNESCO in d'al 1997. I cristiân ed Mòdna i én ciamèdi mudnés, mo anca zemiân, dal námm d'al sant prutetôr d'la zitè c'l'è San Zemiàn, festeżê al 31 znèr.
