Albert Schweitzer
El Vikipedio
La germana teologo, orgenisto, misiisto kaj kuracisto Albert SCHWEITZER [albet ŝvajce] naskiĝis je la 14-a de januaro 1875 en Kaysersberg (nuntempe situanta en la franca departemento Haut-Rhin). Li mortis je la 4-a de septembro 1965 en Lambaréné (nuntempe en Gabono).
Kiel muzikisto Albert Schweitzer majstre ludis la verkojn de Johann Sebastian Bach. Li estis verkinta biografion pri BACH kaj kelkajn verkojn pri religia filozofio, kiam li en la jaro 1905 decidis studi medicinon por povi realigi sian grandan deziron, helpi al homoj, kiuj plej urĝe bezonas helpon. Sian studadon li finis en 1913. En la sama jaro li komencis labori kiel kuracisto en Lambaréné, kie li poste fondis hospitalon por kuraci tropikajn malsanojn. Post la Dua mondmilito li avertis la homaron pri la danĝeroj de la atombomboj.
Pro sia sinoferema engaĝiĝo li en la jaro 1952 gajnis la Premion Nobel de Paco.
Publikaĵoj aperintaj en Esperanto:
La doktrino pri la respekto al la vivo / Albert Schweitzer. - Stralsund: Esperanto-grupo, [proks. 1985]. - 37 p. : ilustr.
[redaktu] Eksteraj ligiloj
http://home.pcisys.net/~jnf- http://www.schweitzerfellowship.org
- http://www1.chapman.edu/schweitzer/reverence_readings.html
[redaktu] Vidu ankaŭ jenon:
 |
 |
 |
