Arboreto Nový Dvůr
El Vikipedio
Arboreto Nový Dvůr (legu: arboreto Novi Dvur), kie troviĝas specialigita botanika ĝardeno kun unikaj kolektaĵoj de ĉeĥaj kaj fremdlandaj kreskaĵoj, situas proksimume 10 km de urbocentro de urbo Opava.
La arboreto estis fondita en la jaro 1958 kiel parto de Silezia landa muzeo en Opava. Bazo de kultivaj, kolektaj kaj esploraj agadoj fariĝis de komence devena kastelobjekto en Nový Dvůr kaj ties signifa kolektaĵo de lignokreskaĵoj de eksa kastelparko. La kolektaĵo de lignokreskaĵoj estiĝis kaj iom post iom ĝi disvolviĝis en la jaroj 1906 – 1928, kiam tie agadis ties kreinto kaj posedanto Quido Riedel. Lian postenon post li poste prenis lia filino, kiu ĉi tie agadis ĝis la jaro 1945.
Bazo de la arboreto estas riĉa kolektaro de ĉeĥaj kaj fremdlandaj lignokreskaĵoj, subtropikaj kaj tropikaj kreskaĵoj kaj pluaj reprezentantoj de vegetaĵo de ĉiuj kontinentoj. Per ampleksa renovigo de la parko post la jaro 1958 oni sukcesis disvastigi la kolektaron el devenaj 400 specioj kaj formoj de lignokreskaĵoj (areo 1,5 ha) al 7000 taksonoj de lignokreskaĵoj kaj herboj (areo 23 ha). Precipe valoraj en la ekspozicio estas kelkaj pli maljunaj lignokreskaĵoj kaj enkonduko de devenaj plantaĵoj de la kolektaro de Riedel, kiuj estas hodiaŭ vicigataj inter eksterordinaraj pro troviĝo kaj aĝo en dendrologia trezorejo de Ĉeĥio. Ekde la jaro 1990 novaĵo estas partaj ekspozicioj de lignokreskaĵoj, celita al prezentado de geografiaj tutaĵoj, modeloj de flaŭro de diversaj teritorioj de la mondo, ĉi tie estas ekspozicioj kun specifaj specioj kaj diagnostikaj lignokreskaĵoj de diversaj postenoj. Ni trovos ĉi tie ankaŭ ekologie celitaj partojn de la ekspozicio kun tipaj lignokreskaĵoj de torfejoj, erikejoj, sablodunoj, ŝtonaj duondezertoj kaj ankaŭ lignokreskaĵojn kaj herbojn de nordaj kaj altmontaraj situoj.
