Chrudim
El Vikipedio
Chrudim (prononcu Ĥrudim) estas urbo kun 22 700 loĝantoj, situanta sur rivero Chrudimka, 9 km de urbo Pardubice.
Jam en la 9-a jarcento estiĝis super la rivero princa burgo, ĉirkaŭbarita de burgejo kaj poste en la jaro 1276 reĝo Přemysl Otakar la 2-a konstruigis sur ties loko reĝan burgon kaj la vilaĝon li avancigis je urbo. Komence de la 14-a jarcento Chrudim fariĝis doturbo de la ĉeĥaj reĝinoj. En la jaro 1337 la burgo eĉ kun la urbo subiĝis al granda incendio. La urbo estis ofte trafita ne nur de naturkatastrofoj, sed ankaŭ de militeventoj (husanaj militoj kaj la tridekjara milito). La plej granda evoluo okazas en la 15-a kaj en la 16-a jarcentoj. En la urbo ekfloras vico da metioj, oni konstruas novajn preĝejojn kaj burĝajn domojn. Ĉi tie tre rolis eĉ signifa situo de la urbo en la tn. Trstěnická-pado, kuniganta Bohemion kun Moravio.
La urbo havis rilate al facila alirebleco du remparojn. Ĝis nun konserviĝis bastiono nomata Prachárna (Pulvejo) kun du portaloj, Pardubská-bastiono kaj Tmavá-bastiono. El la remparmuro ni trovos restaĵojn de la urba kerno, kiu havas mezepokan karakteron.
Ĉefa placo havas kvadratan bazplanon kun mallongaj stratoj, kondukantaj el ties anguloj. Dominaĵo estas preĝejo de Ascendotago de Virgulino Mario. Tio estas trinava baziliko, fondita en la jaro 1291. La plej rimarkindan konstruaĵon de la urbo prezentas renesanca domo de Matěj Mydlář el la 16-a jarcento. En la konstruaĵo estas hodiaŭ Muzeo de marionetaj kulturoj. Vico da historiaj domoj estas kunigitaj per arkadoj. En la urbo vivis ankaŭ Jan Mydlář.
En antaŭurboj de Chrudim estis konstruitaj multaj preĝejoj. El monaĥejoj konserviĝis nur kapuĉula kun preĝejo de sankta Josefo. Malantaŭ la remparoj de la urbo staradis dominikana monaĥejo, ruinigita dum la husanaj militoj.
Ĉiujare en la unua julia semajno estas aranĝata festivalo Loutkářská Chrudim (Marioneta Chrudim).
En la urbo naskiĝis Josef Ressel (1793 – 1857), la inventisto de ŝipŝraŭbo.
| Regiono Pardubice | |
|---|---|
| ▼ | |
| Urboj kaj vilaĝoj en distrikto Chrudim | |
| ▼ | |
| Běstvina ~ Biskupice ~ Bítovany ~ Bojanov ~ Bor u Skutče ~ Bořice ~ Bousov ~ Bylany ~ Ctětín ~ Čankovice ~ České Lhotice ~ Dědová ~ Dolní Bezděkov ~ Dřenice ~ Dvakačovice ~ Hamry ~ Heřmanův Městec ~ Hlinsko ~ Hluboká ~ Hodonín ~ Holetín ~ Honbice ~ Horka ~ Horní Bradlo ~ Hošťalovice ~ Hrochův Týnec ~ Hroubovice ~ Chrast ~ Chroustovice ~ Chrudim ~ Jeníkov ~ Jenišovice ~ Kameničky ~ Kladno ~ Klešice ~ Kněžice ~ Kočí ~ Kostelec u Heřmanova Městce ~ Krásné ~ Krouna ~ Křižanovice ~ Lány ~ Leština ~ Leštinka ~ Libkov ~ Liboměřice ~ Licibořice ~ Lipovec ~ Lozice ~ Lukavice ~ Luže ~ Míčov-Sušice ~ Miřetice ~ Mladoňovice ~ Morašice ~ Mrákotín ~ Nabočany ~ Načešice ~ Nasavrky ~ Nové Hrady ~ Orel ~ Ostrov ~ Otradov ~ Perálec ~ Podhořany u Ronova ~ Pokřikov ~ Prachovice ~ Proseč ~ Prosetín ~ Předhradí ~ Přestavlky ~ Rabštejnská Lhota ~ Raná ~ Ronov nad Doubravou ~ Rosice ~ Rozhovice ~ Řepníky ~ Řestoky ~ Seč ~ Skuteč ~ Slatiňany ~ Smrček ~ Sobětuchy ~ Stolany ~ Stradouň ~ Střemošice ~ Studenice ~ Svídnice ~ Svratouch ~ Tisovec ~ Trhová Kamenice ~ Trojovice ~ Třemošnice ~ Třibřichy ~ Tuněchody ~ Úherčice ~ Úhřetice ~ Vápenný Podol ~ Včelákov ~ Vejvanovice ~ Vinary ~ Vítanov ~ Vojtěchov ~ Vortová ~ Vrbatův Kostelec ~ Všeradov ~ Vysočina ~ Vyžice ~ Zaječice ~ Zájezdec ~ Zderaz ~ Žlebské Chvalovice ~ Žumberk | |
| ▲ | |
| Distriktoj de Ĉeĥio | |
| ▲ | |
| Regionoj de Ĉeĥio | |
