Don Benito
El Vikipedio
Don Benito estas urbo de hispana regiono Ekstremaduro.
Enhavo |
[redaktu] Situo
Ĝi situas precize en ties suda provinco Badajoz, norde de tiu provinco kaj ĉe la valo de rivero Gvadiano. Fakte estas ĉefa urbo de zono nomita Alta valo de tiu rivero, konsiderante ke la dua duono de tiu valo ekde Mérida okcidenten estus Malalta valo -kun ĉefa urbo en Montijo- kaj ekde Mérida orienten Alta valo. Tiu Alta valo estas terkultura zono kies ĉefa urbo estas Don Benito kio kune kun apudega urbo Villanueva de la Serena formiĝas centro de tiu regioneto -kaj administra kaj komerca- kaj de la apuda La Serena, pli sekeca regioneto, oriente de la provinco Badajoz.
[redaktu] Loĝantaro
La loĝantaro estas de iom pli ol 33.000 loĝantoj dediĉitaj ĉefe al komerco, terkultura industrio kaj servoj. Al ties municipo apartenas ankaŭ apudaj vilaĝoj konstruitaj laŭ fama Plan Badajoz meze de 20a jarcento, kiel Ruecas, Vivares, Gargáligas, ktp. Do samtempe donbenitanoj estas kaj urbanoj kaj vilaĝanoj.
[redaktu] Historio
La urbo disvolviĝis ĉirkaŭ la 15a jarcento ĉirkaŭ la kvartalo kie situas la preĝejo de Sankta Sebastiano. Poste pligrandiĝis al la nordo ĉirkaŭ la kvartalo kie nun situas la placo, preĝejo de Sankta Jakobo, urbodomo, kulturdomo, ktp. Ĉirkaŭ la 16a jarcento sendependiĝis de la tiama administra centro de Medellín kaj riĉiĝis danke al terkulturo kaj brutbredado. Tamen dum la 17a jarcento la loĝantaro malkreskis pro malsanoj, plagoj, ktp. Denove dum la 18a jarcento la urbo pligrandiĝis ĝis kiam ekestis la plej grava en la regiono. Dum la napoleona milito okazis batalo de hispano-franca armeo kontraŭ hispano-angla en malpreciza loko situata inter Don Benito kaj Medellín kaj dum la intercivitana milito la fronto estis fiksita ĉe la rivero, do Don Benito estis la lasta grava urbo de la respubliko en tiu regiono dum du jaroj, dum la okcidenta parto de la provinco estis jam sub regado de frankista armeo kaj kontrolo.
[redaktu] Vidindaĵoj
Urba muzeo, kulturdomo planita de fama arkitekto Rafael Moneo -ankaŭ aŭtoro de la Nacia Muzeo de Romiana Arto en Mérida, preĝejo de Sankta Jakobo, ktp. En la ĉirkaŭaĵo estas vidindaj naturaj lokoj de monteto Las Cruces kaj rivereto Ortiga kie vidindas restaĵoj de antikvaj muelejoj. Je 8 km estas vilaĝo Medellín, naskiĝurbo de Hernán Cortés.
