Franka Potente
El Vikipedio
| Franka Potente | |
|---|---|
 |
|
| Naskiĝo | 22-a de julio 1974 Münster, Nord-Rejno-Vestfalio, Germanio |
| Vidu ankaŭ biografian portalon | |
Franka POTENTE [franka potente] (naskiĝis la 22-an de julio, 1974) estas germana aktorino.
Franka Potente naskiĝis en Münster, Nord-Rejno-Vestfalio. En la aĝo de 19 jaroj ŝi transloĝiĝis al Munkeno por studi aktoradon.
Ŝia kariero komenciĝis en nekutima loko: en la necesejo de Munkena drinkejo. Dum amuza vespero ŝi rimarkis, ke fremda virino konstante rigardadis ŝin. Post ioma tempo ŝi sentis sin malkomforta kaj volis forlasi la ejon, tamen decidis, unue iri al la necesejo. La fremdulino sekvis ŝin kaj montriĝis agentino serĉanta talentulojn. Post interparolado Franka Potente ricevis sian unuan rolon, en la filmo Nach fünf im Urwald - En praarbaro post la kvina.
Ŝi ĉesigis la studadon kaj prezentis rolojn en aro da pliaj filmoj, el kiuj aparte menciindas Lola rennt - Lola kuradas de 1998. Ekde 2001 ŝi ankaŭ sukcese aperas en usonaj produktaĵoj.
La nomo POTENTE (potenca en sudaj latinidaj lingvoj) ne estas pseŭdonimo, sed heredaĵo de itala praulo.
[redaktu] Filmaro
- 1996 • Nach fünf im Urwald (En praarbaro post la kvina)
- 1997 • Drei Mädels von der Tankstelle
- 1997 • Opernball [televida produktaĵo]
- 1998 • Lola rennt (Lola kuradas)
- 1998 • Bin ich schön? (Ĉu mi belaspektas?)
- 1999 • Downhill City
- 1999 • Schlaraffenland
- 2000 • Der Krieger und die Kaiserin (La princfilino kaj la batalanto)
- 2000 • Anatomie (Anatomio)
- 2001 • Blow (La neĝo)
- 2002 • All I Want (Ĉio kion mi volas)
- 2002 • The Bourne identity (La Burna identeco)
- 2003 • Blueprint (La kobajulino[???])
- 2003 • Anatomie 2 (Anatomio 2)
- 2004 • The Bourne supremacy (La Burna superregado)
- 2004 • Creep (La rampaĵaĉo)
- 2005 • Che (Che)
- 2005 • Elementarteilchen
[redaktu] Eksteraj ligoj
http://www.franka-potente.de (Germane)- http://www.agentur-heppeler.de (Germane)
- http://www.franka-potente.org/ La retejo de admirantoj de Franka Potente (Angle)
