Georgij Ĵĵonov
El Vikipedio
Georgij ĴĴONOV estis popola aktoro de Sovetunio.
Georgij Konstantinoviĉ Ĵĵonov naskiĝis la 22-an de marto 1915 en Sankt-Peterburgo.
Georgij Ĵĵonov forpasis je la 8-a de decembro 2005 en 91a jaro de vivo. La aktoro mortis en Nacia medicina-kirurgia centro, kie kelkajn tagojn antaŭe oni faris al li operacion pro rompo de femura cerviko.
Li dufoje estis reprezaliita. Entute li pasigis ĉirkaŭ 17 jarojn en malliberejoj de GULAG. Li skribis pli ol dek librojn, en kiuj li rakontis pri ĉi tiuj jaroj.
Post kiam li finis Leningradan estrada-cirkan lernejon kaj kinan fakon de Leningrada instituto de Scenaj artoj, li ludis sian unuan rolon - en muta filmo "Eraro de heroo". En kino Georgij Konstantinoviĉ ludis pli, ol cent rolojn. Pleje konataj el ili estas tiuj en filmoj: "Ĉapaev", "Baltika ĉielo", "Planedo de ŝtormoj", "Silento", "Homo, kiun mi amas", "Eraro de rezidento", "Gardu vin de aŭtomobilo", "Ŝipanaro" kaj multaj aliaj.
Georgij Ĵĵonov estis laŭreato de multaj premioj, inter ili estas Ŝtata premio de Rusia Federacio "Fratoj Vasiljev-oj" pro rolo de Bessonov en filmo "Varmega neĝo", ordenoj "Pro meritoj por la Patrio" de IV kaj II gradoj, premio "Niko" en klaso "Honoro kaj digno" kaj premioj "Kristala Turandot" pro multjara kaj heroeca servado al teatro. Ankaŭ li estis premiita per premio de la Nacia akademio de kinematografiaj sciencoj "Ora aglo" kaj Internacia premio "Ora Akvisto" en klaso "Pro honoro kaj digno".
Je la 16-a de septembro de jaro 2000 en urbo Ĉelabinsk oni starigis monumenton de Georgij Ĵĵonov.
- La artikolo estas farita laŭ informo de Novaĵoj el Rusio
