Joseph Ferdinand Berger
El Vikipedio
Joseph Ferdinand BERGER [JOsef FERdinant BERger] (naskiĝis la 7-an de oktobro 1894 en Edersdorf, Ĉeĥoslovakio; mortis la 28-an de marto 1976 en Köln) estis unu el la plej konataj agantoj de la germana Esperanto-movado.
Li lernis Esperanton en 1910, fondis grupon en Waldshut (Germanio) kaj gvidis kursojn tie, en Córdoba (Hispanio) kaj en Köln. Li kunlaboris por pluraj Esperanto-gazetoj kaj estis dum pluraj jaroj redaktoro de Heroldo de Esperanto. De li estis 1934 gvidestro de Revelo.
Post la milito li estis redaktoro de Esperanto-Post, Germana Esperanto-Revuo kaj Okcidentgermana Revuo. Li verkis multajn recenzojn, ofte sub la pseŭdonomo Jofebo. El la germana li tradukis du romanojn de Remarque, En okcidento nenio nova (1929, kun aliaj) kaj La Vojo Returne (193l); el la hispana, la romanon La amo en la jaro dekmil de Elola (1932) kaj la rakonton La ĵusnaskito de Becerro (1937). Li verkis la originalaĵon Niko kaj Nina (1952). Li esperantigis ankaŭ la kanton Lili-Marlen.
| La unua versio de tiu ĉi artikolo estis prenita de la Enciklopedio de Esperanto (EdE en ekstera arkivo). |
