Joyeux Noël
El Vikipedio
Joyeux Noël (france: [ĵŭaje noel] Ĝojan Kristnaskon) estas franca filmo de Christian Carion [Kristja~ KARIO~] de la jaro 2005. Dum la Festivalo de Cannes [Kan], en 2005, ĝi troviĝis en la oficiala selekto, inter la filmoj eksterkonkursaj.
[redaktu] Intrigo
Kiam ekŝprucas la unua mondmilito, meze de somero 1914, ĝi surprizas kaj kirlade forprenas milionojn da homoj. Nikolaus SPRINK, kiu estas mirindega tenorulo de la operejo Berlina, tuj devos ĉesigi sian karieron kaj rezigni pri sia amatino : Anna SÖRENSEN, la sopranulino kiu estas lia kantpartnerino. La anglikana pastro PALMER propravole varbiĝas por sekvi sian junan helpanton en la preĝejo, Jonathan [Ĵonatan']. Ili forlasas sian karan Skotlandon, la unua kiel brankardisto, la dua kiel soldato... Leŭtenanto AUDEBERT devis lasi sian gravedan edzinon enlitigitan por fore batali kontraŭ la malamikaron. Ekde tiam, la Germanoj okupas la urbeton en norda Francio, kie la juna edzino probable jam naskis, krom se la plej malbona jam okazis ... Nenion scii pri sia familio estas suferado kiu subfosas kaj traboras ĉiujn noktojn de la leŭtenanto. Kaj poste falas la neĝo kaj alproksimiĝas Kristnasko kun sia aro de donacoj el familioj kaj staboj. Tamen, la surprizo ne ekestos el la abundaj poŝtpakaĵoj kiuj diskovras la tranĉeojn francajn, germanajn kaj skotajn. Ĉar okazas nepensablaĵo ! Por momenteto, la fusiloj estos kuŝataj por ebligi iron, ĉe kandela lumo, al renkonto de la frontflankuloj, por ilin manpremi, interŝanĝi kun ili cigaredojn kaj ĉokoladon. Ankaŭ por deziri al ili "Ĝojan Kristnaskon!"
[redaktu] Vidu ankaŭ
[redaktu] Eksteraj Ligoj
- pri la romano de Christian CARION, en la franca, ĉe la eldonejo PERRIN, ISBN n° 2-262-02400-6
- pri la filmo
Se jam ekzistas alilingva samtema artikolo pli disvolvita, traduku kaj aldonu el ĝi.
