Kananaskis (Alberto)

El Vikipedio

Kananaskis estas pliboniga distrikto (speco de administra unuo) situanta okcidente de Kalgario (Alberto) en la antaŭmontetoj kaj unuaj montoj de la kanada Rok-Montaro.

Ene de la priboniga distrikto estas Parktereno Kananaskis, 4.211-kvadratkilometra tereno kun mirinda pejzaĝo de montoj kaj antaŭmontetoj.

[redaktu] Distriĝo kaj turismo

Ĝuste pro distriĝo kaj turismo famas Parktereno Kananaskis. Inter la instalaĵoj por distriĝo en Kananaskis estas pluraj tendumejoj, golf-ludejo, kelkaj hoteloj, feria ranĉo, du montaj skiejoj (Nakiska, kiu gastigis konkursojn en monta skiado kaj liberstila mogul-skiado dum la Vintraj Olimpikoj de 1988, kaj Fortikaĵa Monto), kaj konkurs-nivela tereno por skikurado (la Nordia Centro de Canmore), kiun la publiko povas uzi. Ĝuste ĉe la Nordia Centro de Canmore oni okazigis la trans-grundajn ski-konkursojn dum la Vintraj Olimpikoj de 1988. La plej granda parto de la instalaĵoj estas en Provinca Parko Peter Lougheed kaj laŭ la koridoro de ŝoseo 40 kiu kuŝas paralele al la Rivero Kananaskis. En Kananaskis estas multaj kilometroj da voj(et)oj por migrado, skikurado, kaj ĉeval-rajdado. Inter la aliaj aktivecoj popularaj en Kananaskis estas monto-biciklado, grimpado, ĉasado, kaj fiŝkaptado.

[redaktu] Parkoj

Disvastiĝo kaj situo de parkoj en Parktereno Kananaskis

Pluraj parkoj kaj unu ekologia rezervejo troviĝas ene de Kananaskis. Inter ili estas:

Sovaĝa Provinca Parko Bluerock
Provinca Parko de Valo Bow
Sovaĝa Provinca Parko de la Valo Bow
Provinca Parko Bragg Creek
Provinca Parko de Nordia Centro de Canmore
Sovaĝa Provinca Parko Don Getty
Sovaĝa Provinca Parko Elbow-Sheep
Provinca Parko Peter Lougheed
Ekologia Rezervejo de Monto Plateau
Ŝaf-Rivera Provinca Parko
Provinca Parko de Valo Spray

Inter la specialaj terenoj ene de Parktereno Kananaskis kiuj ne estas formale difinitaj kiel parkoj aŭ ekologiaj rezervejoj estas la Regiono de Valo Bow, la Valo de la Rivero Elbow, Provinca Distriĝ-Tereno Evan-Thomas, la Regiono Highwood/Cataract, Provinca Distriĝ-Tereno Sentinel, Provinca Distriĝ-Tereno Stoney Creek, Provinca Distriĝ-Tereno Strawberry kaj la Regiono Sibbald (Provinca Distriĝ-Tereno de Lago Sibbald, Provinca Distriĝ-Tereno de la Lageto de Kampoj Sibbald).

[redaktu] Administrado

Je provinca nivelo oni administras Parkterenon Kananaskis depost 1945 kiel Plibonigan Distrikton 5 (Kananaskis)^[1]. Ĝin kreis la Ministerio pri Municipaj Aferoj, branĉo de la Registaro de Alberto por multfunkciado uzado: por forstado, rikoltado de gazo kaj nafto, paŝtado de brutoj, distriĝo, kaj turismo. Oni planas ĉiujn aktivecojn kaj kreas instalaĵojn donante prioritaton al protektado de la akvokolektaj areoj.

[redaktu] Demografio

Neniu korporaciiĝinta komunumo troviĝas en Kananaskis. En 2001 la pliboniga distrikto Kananaskis havis 462 loĝantojn en 210 konstruaĵoj dise lokitaj en areo de 4.211,22 km², denseco de 0,1 loĝantoj/km².

Fonto: Kanada Instituto pri Statistiko Censo de 2001 ^[2]

[redaktu] Galerio

Elrigardo de Vilaĝo Kananaskis

Parktereno Kananaskis

Trans-grunda skiado en Kananaskis

Lago Barrier

[redaktu] Bagatelaĵoj

En junio 2002 ĉi tiu regiono gastigis la 28-an landestran konferencon de la G8.
Oni uzis Parkterenon Kananaskis por la filmado de documentigaj filmoj.

[redaktu] Vidu ankaŭ

Listo de provincaj parkoj de Alberto

[redaktu] Referencoj

↑ Pliboniga Distrikto Kananaskis - Alberta Ministerio pri Municipaj Aferoj
↑ Kananaskis Community Profile - Kanada Instituto pri Statistiko. 2002. 2001 Profiloj de Komunumoj. Pulikigita la 27-an de junio 2002. Laste modifita: 2005-11-30. Katalogo de la Kanada Instituto de Statistiko n-ro 93F0053XIE

[redaktu] Eksteraj ligoj

Kananaskis Country

Nacia Parko Banff	MD 8 Bighorn	IR 142/143/144 Stoney MD 44 Rocky View
Parko Altaĵoj de la Rok-Montaro (BC)	Pliboniga Distrikto Kananaskis	MD 31 Foothills
Parko de Lagoj Elk (BC)	MD 66 Ranchland

Alberto

Censodistriktoj	1 - 2 - 3 - 4 - 5 - 6 - 7 - 8 - 9 - 10 - 11 - 12 - 13 - 14 - 15 - 16 - 17 - 18 - 19
Urboj	Airdrie - Brooks - Kalgario - Camrose - Cold Lake - Edmontono - Fort Saskatchewan - Grande Prairie - Leduc - Lethbridge - Lloydminster - Medicine Hat - Red Deer - Spruce Grove - St. Albert - Wetaskiwin
Komunumoj	Municipaj Distriktoj de Alberto - Urbetoj de Alberto - Vilaĝoj de Alberto - Vilaĝetoj de Alberto - Indianaj Rezervejoj en Alberto - Metisaj komunumoj en Alberto

Elŝutita el "http://eo.wikipedia.org../../../k/a/n/Kananaskis_%28Alberto%29_def5.html"