Max Aitken
El Vikipedio
William Maxwell (“Max”) AITKEN Beaverbrook, 1-a barono de Beaverbrook, (n. 25-an de majo 1879 en Maple, Ontario, Kanado; m. 9-an de junio 1964 en Mickleham, graflando Surrey, Anglio) estis kanada-brita eldonisto kaj konservativa politikisto. Li estis membro de ambaŭ militaj kabinetoj de Britio dum la mondmilitoj.
Aitken unuigis la tutan kanadan cementan industrion, epr tio akiris profitegon. Poste li veturis al Anglio, kie oni elektis lin en 1910 parlamentano. Li estis sekretaro de Andrew Bonar Law(naskiĝinta same en Kanado) kaj helpis lin akiri gvidantecon de la konservativa partio en 1911.
Li agadis kun Law por formovi la liberalan ĉefministron H. H. Asquith favore al David Lloyd George en decembro de 1916. Aitken aĉetis tiam plimulton en la gazeto Daily Express, poste li fondis Sunday Express, aĉetis Evening Standard kaj Evening Citizen.
Post kiam li ne ricevis postenon en registaro de Lloyd George (1916), Aitken estis nomumita baroneto, sekvajare la nomon barono Beaverbrook.
Li estis membro de la regsitaro en 1918 kiel informada ministro. Li partoprenis en disigo de la postmilita koalicio de Lloyd George (1922). Li provis 1930–31 sensukcese forigi Stanley Baldwin el gvidanta pozicio de la partio.
Li estis konata en la 1930-aj jaroj kiel gazeta manato kaj kiel gvidanto de la Unuiĝinta Imperia Partio. En la milita kabineto de Winston Churchill, li estis ministro pri la avioproduktado (1940–41) kaj pri provizado (1941–42).
Li estis ankaŭ komisiito en usono pri la brita pruntado (1942). Li poste iĝis sigelgardisto (1943–45).
[redaktu] Verkoj
- Canada in Flanders (1916)
- Politicians and the Press (1925)
- Politicians and the War, Band 1 (1928)
- Politicians and the War, Band 2 (1932)
- Men and Power (1956)
- Friends: Sixty years of Intimate personal relations with Richard Bedford Bennett (1959)
- Courage (1961)
- The decline and fall of Lloyd George (1962)
- The divine propagandist (1962)
- My Early Life (1962)
- Success (1962)
- The Abdication of Edward VIII. (1966)
