Petro Paŭlo Rubens
El Vikipedio
Petro Paŭlo RUBENS (29-a de junio 1577 – 30-a de majo 1640) estis flandra arta pentristo, desegnisto kaj diplomato. Li sendube estas la plej populara flandra majstro de la baroka periodo. Oni lin ankaŭ nomas Peter Paul, Pieter Paul, Pieter Pauwel aŭ Petrus Paulus.
[redaktu] La vivo de Rubens
Peter Paul Rubens naskiĝis en la germana urbeto Siegen. Lia patro estis edukita viro. En Kolonjo li edukiĝas humanisme; poste li studas en Antverpeno. Post arta instruo ĉe Tobias Verhaegt, Adam Van Noort kaj Otto van Veen, li en la antverpena gildo estas akceptata kiel majstro.
La 9-an de majo 1600 li ekiras al Italio, kie li en Venecio eklaboras por la duko de Mantuo, Vincenzo Gonzaga ĝis 1608. Li ankaŭ dum kelkaj jaroj restadis en Hispanio.
Denove en la Nederlandoj li nun iĝas korta pentristo por la arkidukoj Albrecht VII de Aŭstrio kaj Isabella de Hispanio, en 1609. Li pluloĝas en Antverpeno kaj en la sama jaro edziĝas kun Isabella Brant. En 1610 li ordigas la grandan domon ĉe Wapper, kiu ĝis hodiaŭ estas la Domo de Rubens, ateliero kun kelkaj kunlaborantoj.
Inter 1610 kaj 1620 ekestas la majstraj verkoj, kiuj daŭre estas admireblaj en la antverpena katedralo: la Alkrucigo kaj la Dekrucigo kun rimarkinda ŝanĝo de stilo. Kunlabore kun Jan Brueghel ekestas tre valoraj raraĵoj.
[redaktu] Pentra stilo
Rubens estis brila desegnisto. Tion montras la detalaj skizoj kiuj postrestis de nekompletigitaj pentraĵoj. Li ofte faris ruĝajn subpentraĵojn kiuj estis plialtigitaj per blanka koloro. Tiu ĉi koloro tralumetas en preskaŭ ĉiuj kompletigitaj verkoj. Kiel ĉiuj tipe barokaj pentristoj, la artaĵoj de Rubens estas tre kompleksaj.
(kompletiginda)
