Proprecoj de betono
El Vikipedio
Konsisto de miksaĵo - datumo pri kvanto de unuopaj komponentoj de betonmiksaĵo en unuo de volumeno (kutime 1 m3) esprimita pere de unuo de maso aŭ volumeno
Magra betonmiksaĵo - betonmiksaĵo kun malgranda enhavo de liganta cemento.
Grasa betonmiksaĵo - betonmiksaj^o kun granda enhavo de liganta cemento
Seka betonmiksaĵo - miksaĵo de ĉiuj solidaj komponentoj de betono, ĝi povas esti antaŭpreparita por apliko en speciala maŝino por la teĥnologio de ŝprucbetono, la akvo estas aldonata nur en la miksajuto; por neampleksaj laboroj ĝi estas liverata en sakoj
Prilaboreblo de miksaĵo - ĝenerala esprimo en taksado pri taŭgeco de betonmiksaĵo el la vidpunkto de ĝia enmetado (muldado) kaj kompaktigado; pri gradoj de prilaboreblo.
Konsistenco de betonmiksaĵo - reologia propreco de la miksaĵo, kondiĉita per ties denseco, prilaboreblo aŭ per ties transforma povo ŝanĝi aranĝon de siaj komponentoj (moviĝemo, plasteco, viskozeco); la nocio reologio ampleksas ĉiujn transformajn proprecojn de betonmiksaĵo en dependeco laŭ la tempo; oni taksas ĝin helpe de gradoj.
Grado de prilaboreblo de miksaĵo - karakterizo de betonmiksaĵo determinita per mezurado de ĝia konsistenco laŭ norma metodo; la metodoj estas nomataj laŭ aŭtoroj, ekz.: Abrams, B(hrner, Graf, Glanwille, Jirsák, Skramtajev, la gradoj varias laŭ naciaj normoj, ekz. malmola, humida, mola, flua k.a.
Humida miksaĵo - humida miksaĵo estas nesufiĉe kohera, la grajnaj komponentoj inklinas al apartiĝo, kompaktigo de tia miksaĵo estas energie malmodesta; uzata ĝi estas por vojkonstruado kaj prefabrikado
Mola miksaĵo - mola miksaĵo ŝutata sur ebenan fundon de muldilo formas konusajn amasojn, kiujn eblas samniveligi per vibrado
Flua miksaĵo - fluan miksaĵon ne eblas en la mano kunpremi en bulon, ĝi disfluas, ĉe malbone preparita flua miksaĵo okazas segregacio de komponentoj; flua miksaĵo estas atingata per plastigo (krom nekonvene altigita dozo de akvo)
Plastigita miksaĵo - miksaĵo kun plastiga ingrediento fariĝas flueca, tial facile prilaborebla; taŭga ĝi estas precipe por betonkonstruktoj kun densa armaturo
Injekta miksaĵo - miksaĵo, pli-malpli flua, estas speciala cementa mortero, iufoje cementa pasto aŭ ŝlimo (suspensio), uzata por prema plenigo de diversaj fendoj, poroj, truoj en malnovaj konstruktoj, rokaĵoj kaj ankaŭ en subfundamentaj grundoj
Kompakteco de freŝa betono - procenta volumena kvociento de solidaj kaj likvaj komponentoj en la volumena unuo de freŝa betono
Volumena maso de betono - maso de volumena unuo de betono, nome de ties 1 m3, esprimita en kg; denseco de betono
Firmeco de betono - la plej alta valoro de streĉo de betono ĉe ties difekto per konvencia maniero de ŝarĝado; firmeco distingiĝas laŭ normigitaj aŭ interkonsentitaj formoj de ekzamenaj korpoj, laŭ maniero de ties streĉado: prema, tira, fleksa, tonda, torda, disprema kaj laŭ tempa evoluo de streĉado: statika, dinamika, laciĝa (cikla ŝarĝado)
Hardeco de betono - meĥanika rezisteco de betono kontraŭ enigo de fremda rigida korpo kaj difekto de la surfaco per grato, enpuŝo, dispremo, frotdifekto k.s.
Laciĝo de betono - fenomeno de difekto elvokita per multfoje ripetata streĉado de betono; ĝi distingiĝas per malaltiĝo de firmeco de la ŝarĝata betono
Plastformiĝo de betono - neelasta (plasteca) deformiĝo de betono ĉe ties longedaŭra streĉado, dependa de aĝo de la betono
Ŝrumpado kaj ŝvelado de betono - spontanaj volumenaj ŝanĝiĝoj de betono dum ties longedaŭra tenado en certaj fizikaj kondiĉoj; la ŝanĝiĝoj ne rilatas al la plastformiĝo de betono.
Poreco de betono - spaco de poroj kaj kavaĵoj en la etgrajna mortero kaj inter la eroj de ŝtonaro esprimita en % de volumeno de la tuto
Akvohermeteco de betono - propreco de betono rezisti al premo de akvo tiel, ke ne okazas trapenetro de akvo (la reversa surfaco restas seka)
Humideco de betono - procenta diferenco de la masoj de humida betono kaj de la sama betono sekigita laŭ certaj normaj kondiĉoj
Sorbkapacito de betono - procenta diferenco de la masoj de betono plene sorbiĝinta per akvo kaj de la sama betono sekigita laŭ certaj normaj kondiĉoj
Rezisteco de betono - kapablo de betono rezisti al efikoj meĥanaj, meteologiaj, ĥemiaj, temperaturaj k.s.; en la praktiko oni prijuĝas ekz. la rezistecojn kontraŭ frosto (frostorezisteco), kontraŭ altaj temperaturoj (fajrorezisteco), kontraŭ akvo (akvorezisteco), kontraŭ frotdifekto (frotrezisteco) k.a.
Korodo de betono - iom-post-ioma difektiĝo de betono per ĥemia influo, ofte dum samtempa efikado ankoraŭ de aliaj influoj, ekz biologiaj
Solidiĝo de cemento - grada transiro de cementa pasto el la plasteca stato al la stato solida (komenca fazo de cement-hardiĝo)
Hardiĝo de cemento (betono) - grada akirado de meĥanikaj firmecoj kaj evoluo de firma strukturo de cementa ŝtono; la fenomenon akompanas la kreskanta firmeco de betono.
