Rocroi
El Vikipedio
Rocroi (elp.:rokroa') estas urbo kun 2400 (en 1999) loĝantoj en norda Francio,en la departemento Ardennes,je du kaj duono da kilometroj apud la belgia ŝtatlimo.
[redaktu] Historio
Ĉiu franca studento konas ĝian nomon, ĉar princo Enghien (angien) je la 19-a de majo 1643, tie venkis la hispanan infanterion pensitan nevenkebla (batalo de Rocroi). Li estis kuzo de Luizo la Dek-kvara. Post la venko la Sunreĝo decidis fari nekonkereblan fortikaĵon en tiu sensignifa vilago kaj je ordono de militinĝeniero Vauban (voban) soldatoj konstruis tian fortikaĵon kontraŭ la tiama hispana Belgio, kiun vere neniam povis konkeri ofensivaj armeoj. Ĝia stato ankaŭ nun estas la sama kiel tiam, ĝia tuteco estas nedifektita, kun speciala steloformo, pintoformaj bastionoj, kompaktaj defendremparoj,fortikigitaj loĝdomoj,kazernoj,levopontoj.
Ĝi estas loko, kie naskiĝis la husarregimento "Bercsényi".
Inter la vilaĝoj lokiĝantaj sporade ĉirkaŭ ĝi, oni povas atenti du farmobieno-grupojn, kiujn oni nomas Les Hongreaŭ (lez ongro'). Ĝi nekontraŭstareble rememorigas pri la franca nomo de la hungaroj: Les Hongrois (lez ongroa'). Ĉu tiu ardena vilaĝo konsistanta el apenaŭ kvindek domoj, malantaŭ ĉies dorso, povas rilati al la hungaroj? Por respondi ni devas retrorigardi en la 18-an jarcenton, kiam la "kuruca" militestro ("kurucoj" estis liberecbatalantoj kontraŭ la aŭstra imperi(estr)o en Hungario) Antal Esterházy (ESterha'ai) fuĝis en 1713 en Francion, kune kun Ferenc Rákóczi la Dua (RAko'ci). Lia filo, Bálint József Esterházy (jojef ESterha'zi) proponis ofere al Luizo la Dek-kvina, ke li varbos husarregimenton, konsistantan el kvar batalionoj, el hungaraj soldatoj transilvaniaj. La nova kavaleria formacio, permesita.de la reĝo, enmarŝis la urbon Rocroi-on je la 27-a de januaro 1735. Ekde tiam ĝi estis nomata Regimento "Esterházy".Ĝi ekzistas ankaŭ nun:estas ĝi la dua franca husarregimento, kiu garnizonas en la Pireneoj.
József Bá1int (jojef) edzinigis la sud-francan grafidinon Philippine de la Nougaréde de La Garde (filipin de la nugared' de la gard), de ŝi naskiĝis filo en 1740, nomata László Bálint (LASlo'). La dekjara filo iris en la kortegon de la lotaringia princo Sanislo eksa reĝo de Pollando, kiel pagio,kaj jam 12-jara li ricevis subleŭtanto-rangon en la stabo de la hungardevena franca generalo Bercsényi (BERĉe'n~i). Li partoprenis en la sepjara milito, pro sia braveco li fariĝis vickolonelo en la armeo de Bercsényi, poste li varbis novan husarregimenton, kiu nuntempe estas la tria franca husarregimento. Ankaŭ ĝi garnizonas en Rocroi. Al la kuraĝa hungara militisto oni preskaŭ surverŝe donadis distingojn, titolojn, brilajn postenojn. Interalie la reĝo nomumis lin guberniestro de Rocroi. Tiutempe la nord-franca urbeto estis vera hungara kolonio. Ne estas,do ,mirige, ke tiuj lokoj, kie la hungaraj soldatoj bredis siajn ĉevalojn, la tieaj francaj kamparanoj nomis Hongreaŭ (ongro'). Supozeble ankaŭ, ĉar la husaroj batalis rajdante nur sur kastritaj ĉevaloj kaj en la franca oni diras kastritan ĉevalon: hongre.
Unu jaron post la eksplodo de la franca revolucio Bálint József ESTERHÁZY migris en Aachen-on (ahen) kaj de tie en Pollandon. Tie 1i mortis je la 23-a de julio 1805, en sia bieno, ricevita de Katerina la Dua, en Grodek. Li malaperis, sed postrestis ĝis nun la memoro pri la husaroj en Rocroi. 1995/februaro DB
Ĉi artikolo estis enŝutita el ekstera fonto kaj necesigas iom da vikipedia redaktado. Bonvolu rigardi je Vikiigendaj artikoloj
[redaktu] Eksteraj ligiloj
http://www.fortified-places.com/rocroi.html- http://www.ign.fr/affiche_rubrique.asp?rbr_id=1087&CommuneId=93941
- http://www.recensement.insee.fr/RP99/rp99/co_navigation.co_page?nivgeo=C&codgeo=08367&theme=ALL&typeprod=ALL&lang=FR&quelcas=LISTE
- http://www.quid.fr/communes.html?mode=detail&id=11817&req=Rocroi
