Siĉŭano

El Vikipedio

Siĉŭano 四川省 Sìchuān Shěng
mallongigo: 川 Chuān aŭ 蜀 Shǔ
Ĉefurbo	Ĉengduo
Areo  - Totalo  - % akvosurfaco	laŭgrade 5-a 480 000 km² xx%
kvanto de loĝantaro  - Total (2000)  -denseco de loĝantaro	laŭgrade 4-a 83 290 000 174/km²
mastruma statuso	Provinco

Siĉŭano (四川 en la ĉina, Sìchuān en la pinjina) situas en la okcidenta postregiono de Ĉinio kaj okupas grandan parton de Siĉŭan-baseno. Ĉirkaŭita de montoj, ĝi havas mildan klimaton. Ĝia totala areo estas 485 mil km². Ĝia ĉefurbo estas Ĉengduo.

La nomo signifas "kvar (四 sì) riveroj (川 chuān)", nome: Mekong (澜沧江 Láncāng Jiāng), Yangzi Jiang (长江 Cháng Jiāng), Flava Rivero (黄河 Huáng Hé), Salween (ĉine: 怒江 Nù Jiāng, burme: Thanlwin).

Enhavo 1 Geografio kaj klimato 2 Naturaj riĉfontoj 3 Loĝantaro 3.1 Nacioj 4 Ekonomio 4.1 Fremda investo 5 Telekomunikado 6 Trafiko 6.1 Fervojoj 6.2 Ŝoseoj 6.3 Aviado 7 Projektoj bezonantaj fremdan investon

[redaktu] Geografio kaj klimato

La Ruĝa Baseno de Siĉŭano havas subtropan klimaton malgraŭ ĝia kontinenta situo. La gardata situo en la valo donas 350 senfrostajn tagojn al la ebeno kaj tiele la eblecon por fari agrikulturon tutjare. La Qinling-montaro norde markas gravan limon. En januaro, la temperaturo norde de ĝi averaĝas je 0° laŭ Celsio, en la sude de ĝi situata Siĉŭano je 8°. La someraj averaĝtemperaturoj estas proksimume 30° C. La precipitaĵa kvanto estas ĉirkaŭ 1000mm. Pro forta formiĝo de nuboj kaj nebuloj Siĉŭano nur atingas 25-30 sunajn tagojn pojare.

La klimataj kondiĉoj en la montarecaj regionoj, kiuj ĉirkaŭas la Ruĝan Basenon kaj okcidenten plialtiĝas al la tibeta altebeno, estas klare mapli varmaj kaj malpli sekaj.

[redaktu] Naturaj riĉfontoj

La rezervokvanto de la hidroelektro estas 150 milionoj da kW, el kiuj 100 milionoj da kW da elektro estas ekspluateblaj. Per tio ĝi okupas la unuan lokon de Ĉinio.

La konstatitaj subteraj minoj estas 132 specoj, el kiuj la rezervokvanto de titano okupas la unuan lokon de la mondo kaj tiu de vanado -- la trian lokon.

Arbaro kovras 7.46 milionojn da hektaroj. Tie kreskas multe da valoraj arboj: En Ĉinio kvinono de la "vivaj fosilioj" metasekvojoj kaj katajoj (Cathaya argyrophylla) kreskas en Sichuan. La provinco estas abunda je bestoj, el kiuj estas 1 100 specoj da vertebruloj, kiuj konsistigas 40% de tiu de la tuta lando kaj el ili 55 specoj estas protektataj de la ŝtato. La plejparto de la pandoj vivas en Sichuan.

Tri pitoreskejoj kaj historiaj lokoj en Sichuan estas enlistigitaj en la mondajn naturajn kaj kulturajn heredaĵojn. Ili estas Jiuzhaigou, Huanglong kaj Giganta Budho ĉe Leŝan-monto.

[redaktu] Loĝantaro

• Loĝantoj: 84.93 milionoj (fine de 1998)
• Loĝantara kresko: 0.748 %
• Averaĝa vivodauro:

[redaktu] Nacioj

Nun plejparto de la loĝantoj en Siĉuan estas hanoj. Kaj krome tie vivas ankaŭ pluraj nacimalplimultoj. En Siĉuan estas la dua granda loĝloko de tibet-nacianoj, la plej granda loĝloko de ji-oj kaj la unika loĝloko de ĉjang-oj.

[redaktu] Ekonomio

• Enlanda totala produktovaloro: 358.03 miliardoj da juanoj (en 1998)
• Kresko: 9.1%
• Pokapa produktovaloro: 4339 juanoj
• Procentoj de la 1-a, 2-a kaj terciara industrioj el la produktovaloro de la tuta lando (en 1998): 26.3%; 42.6% kaj 31.1%
• Financa enspezo: 19.7 miliardoj da juanoj (en 1998)
• Ekstera komerco: La importa kaj eksporta valoro estis 2.86 miliardoj da juanoj (en 1998)

[redaktu] Fremda investo

Pli ol 5mil alilandaj entreprenoj faris investon en Siĉuan, el kiuj estas Motorola, Pepsi Cola, Coca Cola, McDonneell Douglass de Usono;Chit Tat de Tajlando, Bayer de Germanio kaj Toyota de Japanio.

[redaktu] Telekomunikado

Telekomunika kaj telefonia sistemoj

Nun ĉiuj gubernioj kaj urboj de Sichuan efektivigis programregadon de telefonoj. 17 urboj eniĝis en la internacian aŭtomatan telefonan reton, kiu ligas sin kun 200 landoj kaj regionoj. Tie funkcias mikroondaj, optik-fibraj, satelitaj, program-regaj, radi-alvokaj, poŝtelefonaj, faksimilaj kaj aliaj modernaj telekomunikoj. La ekfunkcio de la ret-stacio en Chengdu multe mallongigis la distancon inter Sichuan kaj la moderna inform-ekspresa vojo

[redaktu] Trafiko

[redaktu] Fervojoj

5 trunkaj fervojoj inkl. de la Chengdu-Chongqing-a, Chengdu-Kunming-a kaj Baoji-Chengdu-a, 8 branĉaj fervojoj kaj 4 lokaj fervojoj formis fervojan reton kun totala longeco de 2693 km.

[redaktu] Ŝoseoj

En la provinco la ŝoseoj longas entute 81600 km kaj en la fino de 1998 la ekspresaj vojoj longis 328 km.

[redaktu] Aviado

La Flughaveno Shuangliu, Chengdu, estas la plej okupata flughaveno en Ĉinio. En Sichuan funkcias aliaj 5 aerodromoj, t.e. Dachuan, Yibin, Luzhou, Xichang kaj Nanchong.

[redaktu] Projektoj bezonantaj fremdan investon

1. Sinteza agrikultura disvolvo kaj prilaboro de agrikulturaj kaj flankokupaj produktaĵoj per nova teknologio;
2. Forstuma disvolvo;
3. Ekspluato de riĉfontoj kaj ilia sinteza utiligo;
4. Disvolvo kaj ŝparo de fuelo;
5. Fundamenta konstruo de trafiko kaj transporto;
6. Teknologia progresigo de grandaj kaj mezgradaj entreprenoj;
7. Progresaj teknologioj;
8. Eksporto de produktaĵoj;
9. Konstruo de la fundamentaj instalaĵoj de urbo;
10. Medi-protektado kaj ekologia ekvilibro;
11. Turisma servo;
12. Alta kaj meza profesia edukado.