Sukuro
El Vikipedio
Sukuro estas unua helpo kaj flegado donitaj al vunditoj dum milito, trafik-akcidento aŭ alia akcidento aŭ kolapso.
Sukuri povas sukuristo, ricevinta ateston pri kompetenteco por sukurado, kiun li faras en sukurejo (urĝejo), tage-nokte preta por helpi al necesuloj, aŭ kiu alveturas al la vundito post telefona alvoko.
Sukurismo estas organizata helpado kaj flegado, kies plej fama reprezentanto estas Ruĝa Kruco.
Tamen ekzistas situacioj, kiam la unuan helpon devas doni nefakuloj, ĉar specialisto ne ĉeestas kaj la vundito estas endanĝerigita je vivo. Precipe ŝoforoj devas koni la fundamentojn de sukurado kaj en sia aŭtomobilo devas troviĝi skatolo kun bezonaĵoj por la unua helpo. La fundamentojn de la unua helpo oni instruas ankaŭ en lernejoj kaj armeoj.
