Vosges (departemento)
El Vikipedio
Geografio > Eŭropo > Francio > Loreno > Vosges < Francaj departementoj
| Vosges (88) | |
|---|---|
 |
|
| Informoj | |
| Regiono : |  Loreno |
| Prefektejo : | Épinal |
| Subprefektejoj : | Neufchâteau Saint-Dié-des-Vosges |
| Loĝantaro - Suma (1999) - Loĝdenso |
380 952 loĝantoj 65 loĝantoj/km² |
| Areo | 5 874 km² |
| Arondismentoj | 3 |
| Kantonoj | 31 |
| Komunumoj | 515 |
| Prezidento de la Ĝenerala Konsilio |
Christian Poncelet |
| Situo en Francio | |
 |
|
Vosges, esperante Vogezoj, estas franca departemento en la regiono Loreno. Grandan parton de ĝia tereno okupas montaro Vogezoj, kiuj donis al ĝi la nomon. La departemento tute enhavas 515 komunumojn.
[redaktu] Historio
La departemento Vosges, kiu okupas la sudon de la provinco Loreno kaj kelkajn komunumojn de Ĉampanjo kaj de Franĉ-Konteo, estis inter la 83 departementoj kreitaj de la Franca revolucio de 1789 je 1790-03-04, aplike de leĝo de 1789-12-22.
En 1793 la princlando Salm, enklavo kun centro ĉe Senones, elektis aliĝi al Francio post la foriro de siaj princoj. En 1795 la regiono Schirmeck, komence parto de departemento Bas-Rhin, estis aldonita al Vosges.
En 1871 per la traktato de Frankfurto Germanio aneksis terenojn parte german-etnajn, inte rili malgrandan parton de Vosges, la kantonon Schirmeck kaj duonon de la kantono Saales, kiuj de tiam apartenas al Alzaco. La komunumoj de Saales, kiuj restis franciaj, konsistigis novan kantonon kun ĉefurbo Provenchères-sur-Fave. La germaniĝintaj teritorioj estis redonitaj al Francio per la Traktato de Versajlo en 1919, sed restis alzacaj kaj parto de departemento Bas-Rhin.
