Komite Internazionalistak
Wikipedia(e)tik
Komite Internzionalistak (aurrerantzean K.I. )elkartasun politikoa sustatzeko euskal elkartea da.
Eduki-taula |
[aldatu] Historia
[aldatu] Erakundearen sorkuntza
K.I. elkartasun politikorako erakunde moduan sortu zen 70eko hamarkadaren amaiera aldera, Nikaraguako Iraultza Sandinistaren magalean, ordura arte Euskal Herriko beste talde batzuetan militatzen zuten hainbat kideri esker. Hasiera batean, burutzen zen lan guztia Nikaraguari begira egiten zen, bertako gatazketatik zetozen beharrizanei erantzunez batez ere. Denboraren poderioz eta Latinoamerikako prozesu iraultzaileen garapenarekin batera, elkartasun borroka beste herrialde batzuetan zehar barreiatu zen: El Salvador, Guatemala, Palestina, Kuba, Mexiko eta abar.
[aldatu] Nazioarteko aldaketak Komite Internazionalistan
Beranduago, 80 eta 90eko hamarkadetako nazioarteko aldaketekin (hainbat prozesu iraultzaileen birplanteamendua eta Multzo “Sozialistaren” desagerpena) eta errealitatearen ezagupen handiagoaz, K.I.-k ekiteko modu berriak bereganatu zituen, aurretik zituenaz batera. Prozesu askatzaileei babesa erakutsiz jarraitzeaz gainera, munduan gertatzen denaren ikuspegi globala duten kanpainak hasten dira (“Iparraldeko” gobernuen kanpo politikaren aurkako kanpaina, gosearen inguruko kanpaina, españa inperialaren aurkako kanpaina eta abar).
[aldatu] Helburu eta iharduerak
[aldatu] Ideologia
K.I. elkartasun politikoa egiten duen erakundea da eta bere baitan pertsonen arteko, kolektiboen arteko eta herrien arteko elkartasunezko harremanak eraikitzea bilatzen duen jendea batzen du. Abiapuntu gisa neoliberalismoari aurre egitea eta ikuspegi antikapitalista eta antiinperialista du.
[aldatu] Ihaduerak
Komite Internazionalistak ez da laguntza humanitarioa ematen duen erakunde bat; ezta munduan dagoen desberdintasunak sorturiko kalteak lausotzea helburu duen elkarte bat edo beste herrialde batzuetan garapenerako proiektuak burutzen dituen GKE bat. Hortaz, kontzientziazioa eta konfrontazioa hautatzen ditu kooperaziaren aurrean; hemen salatuz beste herrialdetan ematen diren egoerak, hala nola aberastutako estatuen ardura gainontzeko herrien miseriaren eraikuntzan, aberastasunaren bidegabeko banaketa edo “mendebaldeko” kulturaren nagusitasuna.
Komite Internazionalistak, Euskal Herriko kolektiboa den heinean, harreman estua mantentzen du bestelako esparrutan eraldaketa sozialaren zein askapen nazionalaren alde borrokatzen duten beste taldeekin (ekologistak, feministak, anti arrazistak, anti militaristak, sindikalistak, kulturalak, anti errepresiboak eta abar).
[aldatu] Funtzionamendua
K.I.-k eredu asanblearioa dauka funtzionatzeko, ez du beraz zuzendaritza posturik. Iritzi eta ideia desberdinak biltzen dituen erakundea da, hauek debatea aberastuko dutelakoan; baina beti ikuspegi iraultzailea oinarritzat harturik, antikapitalista, antiinperialista eta neoliberalismoa oinarri bezala izanik. Horretaz gain autonomoa da, kudeatzeko tresna eta modu propioak dituelarik.
