Nagib Mahfuz

Wikipedia(e)tik

Nagib Mahfuz idazlea egiptoarra 1911ko abenduaren 11n jaio zen Kairon.

Egile oparoa izan zen, 34 eleberri, 350 istorio labur baino gehiago, dozenaka pelikula gidoi eta 5 antzezlan eginez. 1988an lortu zuen Literaturako Nobel Saria, horrelakorik egiten lehenengo arabierazko idazle bihurtuz.

1956 eta 1957 artean "Kairoko trilogia" ("Jauregiko paseoa", "Desiraren jauregia" eta "Azukrearen kalea") burutu zuen, bere hiriaren gfaur egungo ikuspegia islatuz.

Bere lanik ezagunena "Mirarien kalezuloa" (1947) da, 1994an zinemaratu egin zutena. Zoritxarrez, beste liburu batek oihartzun handia ere lortu zuen, baina ez irizpide literarioengatik: "Auzoko seme-alabak" (1959). Biraoaz akusatuta, haren aurkako "fatwa" aldarrikatu zuten agintari islamiar batzuk. 1994an idazlearen kontra atentatu zuten, 82 urte zituela, larriki zauriturik utziz. Bizitzaren azken urteetan, beste pertsona batek idazten zituen berak sortutako artikuluak.

2006ko abuztuaren 30ean hil zen Kairon.

[aldatu] Bibliografia

• "Patuaren iseka" (1939)

• "Radubis" (1943)

• "Kairo berria" (1946)

• "Mirarien kalezuloa" (1947)

• "Hasiera eta bukaera" (1949)

• "Kairoko trilogia" (1956-1957)

• "Auzoko seme-alabak" (1959). 1967an argitaratutakoa Libanon.

• "Lapurra eta txakurrak" (1961)

• "Udazkeneko galeperra" (1962)

• "Ispiluak" (1971)

• "Ezkontza kantua" (1981)

• "Ibn Fatoumaren bidaia" (1983)

• "Autobiografia baten oihartzunak" (1994)

[aldatu] Euskaraz

• "Mila eta bat gauen gauak" (Patxi Zubizarreta, Txalaparta. 2006)
• "Mirarien kalezuloa" (Patxi Zubizarreta. 2006)

[aldatu] Ikus, gainera

• Arabierazko literatura.