Alfabetyske list fan útstoarne talen yn Jeropa

From Wikipedy

Dit is in alfabetyske list fan útstoarne talen yn Jeropa. Yn dizze list binne allinne útstoarne talen opnommen dy't gjin hjoeddeiske fuortsetting hawwe. Sa binne bygelyks it Aldiersk, it Aldsaksysk, it Midfrysk en it Midfrânsk net opnommen, mei't it Iersk, it Nederdútsk/Nedersaksysk, it Frysk en it Frânsk tsjintwurdich noch sprutsen wurde.

Register: A - B - D - E - F - G - H - I - J - K - L - M - N - O - P - R - S - T - U - V - W - Y

[bewurkje seksje] A

• Aldkentyske Gebeartetaal - dôvegebeartetaal - brûkt yn Ingelân; útstoarn oan 'e ein fan 'e achttjinde of it begjin fan 'e njoggentjinde ieu
• Aldmasedoanysk - Yndo-Jeropeesk, Trasysk (of mooglik Gryksk) - sprutsen yn noardlik Grikelân en súdlik Masedoanje; útstoarn yn 'e earste of de twadde ieu nei Kristus
• Aldprusysk - Yndo-Jeropeesk, Baltysk - sprutsen yn Poalen; útstoarn yn 1677
• Akwitaansk - mooglik in Baskysk dialekt - sprutsen yn Frankryk; útstoarn oan 'e ein fan 'e Midsieuwen
• Andalusysk Arabysk - Afro-Aziatysk, Semitysk - sprutsen yn Spanje en Portegal; útstoarn yn 'e sechstjinde ieu

[bewurkje seksje] B

• Bastarnysk - Yndo-Jeropeesk, Germaansk - sprutsen yn Hongarije en yn 'e noardlike Balkanlannen; útstoarn yn 'e sechsde of de sânde ieu
• Boergondysk - Yndo-Jeropeesk, Germaansk - sprutsen yn eastlik Frankryk, westlik Switserlân en noardwestlik Itaalje; útstoarn oan 'e ein fan 'e sechsde of yn 'e sânde ieu

[bewurkje seksje] D

• Dalmatysk - Yndo-Jeropeesk, Romaansk - sprutsen yn Kroaasje; útstoarn yn 1898
• Dardanysk - Yndo-Jeropeesk, mooglik Illyrysk, mooglik Trasysk - sprutsen yn Kosovo; útstoarn yn 'e trêde of de fjirde ieu nei Kristus
• Dasysk - Yndo-Jeropeesk, Trasysk - sprutsen yn Roemeenje; útstoarn yn 'e twadde of de trêde ieu nei Kristus

[bewurkje seksje] E

• Elymysk - ûnklassifisearre - sprutsen op Sisylje; útstoarn yn 'e lêste helte fan it lêste milennium f.Kr.
• Eteo-Kretinzysk - mooglik Egeysk - sprutsen op Kreta, mooglik in dochtertaal fan it Minoysk; útstoarn nei de trêde ieu f.Kr.
• Eteo-Syprioatysk - mooglik Egeysk - sprutsen op Syprus en op 'e Egeyske Eilannen fan Grikelân; wierskynlik útstoarn yn 'e fjirde ieu f.Kr.
• Etruskysk - Egeysk - sprutsen yn noardlik Itaalje; útstoarn om it begjin fan 'e jiertelling hinne

[bewurkje seksje] F

• Faliskysk - Yndo-Jeropeesk, Italysk - sprutsen yn Itaalje; útstoarn yn 'e trêde ieu f.Kr.
• Fandaalsk - Yndo-Jeropeesk, Germaansk - sprutsen yn súdlik Spanje en noardlik Afrika; útstoarn yn 'e sânde ieu
• Fenetysk - Yndo-Jeropeesk, (wierskynlik) Italysk - sprutsen yn noardeastlik Itaalje; útstoarn yn 'e earste ieu nei Kristus
• Fingaljaansk - Yndo-Jeropeesk, Germaansk - sprutsen yn Ierlân; útstoarn yn 'e midden fan 'e njoggentjinde ieu

[bewurkje seksje] G

• Galindaansk - Yndo-Jeropeesk, Baltysk - sprutsen yn Poalen en Litouwen; útstoarn oan 'e ein fan 'e Midsieuwen
• Gallysk - Yndo-Jeropeesk, Keltysk - sprutsen yn Frankryk, Switserlân en Belgje; útstoarn yn 'e sechsde ieu nei Kristus
• Gepidysk - Yndo-Jeropeesk, Germaansk - sprutsen yn Hongarije en yn 'e noardlike Balkanlannen; útstoarn yn 'e sânde of de achtste ieu
• Goatysk - Yndo-Jeropeesk, Germaansk - sprutsen yn Spanje, Portegal, Itaalje en de Donaudelta; útstoarn yn 'e njoggende ieu
• Guanche - Afro-Aziatysk, Berbersk - sprutsen op 'e Kanaryske Eilannen; útstoarn yn 'e sechstjinde ieu

[bewurkje seksje] H

• Herulysk - Yndo-Jeropeesk, Germaansk - sprutsen yn Hongarije en yn 'e noardlike Balkanlannen; útstoarn yn 'e fyfde of de sechsde ieu
• Hunsk - Altaysk, Proto-Altaysk - sprutsen yn Ruslân, de Oekraïne, Roemeenje, Moldaavje, Hongarije en in grut part fan eastlik en sintraal Jeropa; útstoarn oan 'e ein fan it earste milennium nei Kristus

[bewurkje seksje] I

• Ibearysk - isolearre - sprutsen yn Spanje en Portegal; útstoarn yn 'e earste of twadde ieu nei Kristus
• Illyrysk - Yndo-Jeropeesk, Illyrysk - sprutsen yn Sloveenje, Kroaasje, Bosnje-Hertsegovina, Servje , Montenegro en Albaanje; mooglik útstoarn yn 'e fjirde of de fyfde ieu nei Kristus; wierskynliker is lykwols, dat it Albaneesk him derút ûntwikkele hat
• Yola - Yndo-Jeropeesk, Germaansk - sprutsen yn Ierlân; útstoarn yn 'e njoggentjinde ieu
• Ivernysk - Yndo-Jeropeesk, Keltysk - sprutsen yn Ierlân; útstoarn yn 'e achtste ieu (taalkundigen binne it der net oer iens at dizze taal bestien hat of at it in foarm fan it Aldiersk wie)

[bewurkje seksje] J

• Jevanysk - Yndo-Jeropeesk, Gryksk - sprutsen yn Grikelân, Turkije en op Syprus; útstoarn om 1990 hinne
• Judeo-Latyn - Yndo-Jeropeesk, Romaansk - sprutsen yn Itaalje; útstoarn yn 'e iere Midsieuwen
• Judeo-Portugeesk - Yndo-Jeropeesk, Romaansk - sprutsen yn Portugal; útstoarn yn 'e achttjinde of de njoggentjinde ieu

[bewurkje seksje] K

• Katalanysk (oftewol Judeo-Katalaansk) - Yndo-Jeropeesk, Romaansk - sprutsen yn Spanje; útstoarn yn 'e achttjinde of de njoggentjinde ieu
• Kazaarsk - Altaysk, Turksk - sprutsen yn súdlik Ruslân; útstoarn yn 'e Midsieuwen
• Keltibearysk - Yndo-Jeropeesk, Keltysk - sprutsen yn Spanje; útstoarn yn 'e earste of twadde ieu nei Kristus
• Knaänysk - Yndo-Jeropeesk, Slavysk - sprutsen yn Tsjechje; útstoarn oan 'e ein fan 'e Midsieuwen
• Koerlânsk - Yndo-Jeropeesk, Baltysk - sprutsen yn Letlân; útstoarn yn 'e santjinde ieu
• Komaansk - Altaysk, Turksk - sprutsen yn súdlik Ruslân, de Oekraïne, Hongarije, Roemeenje en Moldaavje; útstoarn yn 'e fjirtjinde of de fyftjinde ieu
• Kornysk - Yndo-Jeropeesk, Keltysk - sprutsen yn Ingelân; útstoarn yn oan 'e ein fan 'e achttjinde ieu (yn 'e tweintichste ieu is dizze taal wer nij libben ynblaasd)
• Krimgoatysk - Yndo-Jeropeesk, Germaansk - sprutsen op 'e Krim (yn 'e Oekraïne); útstoarn yn 'e achttjinde ieu
• Kumbrysk - Yndo-Jeropeesk, Keltysk - sprutsen yn Ingelân; útstoarn yn 'e alfde ieu

[bewurkje seksje] L

• Latyn - Yndo-Jeropeesk, Italysk - sprutsen yn súdwestlik Jeropa en noardlik Afrika; útstoarn yn 'e iere Midsieuwen (noch altyd yn gebrûk as tsjerketaal)
• Lemnysk - Egeysk - sprutsen op Lemnos, yn Grikelân; útstoarn nei de sechsde ieu nei Kristus
• Lepontysk - Yndo-Jeropeesk, Keltysk - sprutsen yn noardlik Itaalje; útstoarn yn 'e lêste ieu foar of de earste ieu nei Kristus
• Liburnysk - wierskynlik Yndo-Jeropeesk, Italysk - sprutsen yn Sloveenje en Kroaasje; útstoarn yn 'e earste ieu nei Kristus
• Liguerysk - isolearre - sprutsen yn noardwestlik Itaalje, súdeastlik Frankryk, op Korsika en noardlik Sardynje; útstoarn yn 'e twadde ieu nei Kristus
• Longobardysk - Yndo-Jeropeesk, Germaansk - sprutsen yn noardlik Itaalje; útstoarn oan 'e ein fan it earste milennium
• Lusitaansk - Yndo-Jeropeesk, mooglik Keltysk, mooglik Italysk, mooglik isolearre yn 'e Yndo-Jeropeeske taalfamylje - sprutsen yn Portugal en westlik Spanje; útstoarn yn 'e earste of de twadde ieu nei Kristus

[bewurkje seksje] M

• Manksk - Yndo-Jeropeesk, Keltysk - sprutsen op Man; útstoarn yn 1974 (sûnt 'e tachtiger jierren wer nij libben ynblaasd)
• Messapysk - wierskynlik Yndo-Jeropeesk, Illyrysk - sprutsen yn súdeastlikItaalje; útstoarn om it begjin fan 'e jiertelling hinne
• Minoysk - mooglik Egeysk - sprutsen op Kreta; útstoarn foar de sânde ieu f.Kr., hoewol't it Eteo-Kretinzysk mooglik in dochtertaal is
• Mozarabysk - Yndo-Jeropeesk, Romaansk - sprutsen yn Spanje; útstoarn yn 'e fyftjinde ieu

[bewurkje seksje] N

• Noardpiseensk - ûnklassifisearre - sprutsen yn noardlik Itaalje; útstoarn yn 'e Aldheid
• Norn - Yndo-Jeropeesk, Germaansk - sprutsen yn Skotlân; útstoarn om 1780 hinne
• Nûragysk - mooglik Egeysk - sprutsen op Sardynje en Korsika; útstoarn yn earste ieuwen nei Kristus

[bewurkje seksje] O

• Oskysk - Yndo-Jeropeesk, Italysk - sprutsen yn Itaalje; útstoarn yn 'e earste of de twadde ieu nei Kristus

[bewurkje seksje] P

• Paioanysk - Yndo-Jeropeesk, wierskynlik Trasysk - sprutsen yn noardlik Masedoanje; útstoarn yn 'e earste of de twadde ieu nei Kristus
• Pannoanysk - Yndo-Jeropeesk, Illyrysk - sprutsen yn Hongarije; útstoarn yn 'e trêde of de fjirde ieu nei Kristus
• Pelasgysk - wierskynlik net Yndo-Jeropeesk - sprutsen yn Grikelân; útstoarn nei de fyfde ieu f.Kr.
• Petsjeneechsk - Altaysk, Turksk - sprutsen yn 'e Oekraïne en Moldaavje; útstoarn yn 'e tolfde ieu
• Piktysk - isolearre (of mooglik Yndo-Jeropeesk, Keltysk) - sprutsen yn Skotlân; útstoarn yn 'e alfde of de tolfde ieu
• Polabysk - Yndo-Jeropeesk, Slavysk - sprutsen yn noardeastlik Dútslân; útstoarn yn 'e achttjinde ieu
• Proto-Bulgaarsk - Altaysk, Turksk - sprutsen yn Bulgarije; útstoarn yn 'e tsiende ieu
• Punysk - Afro-Aziatysk, Semitysk - (de taal fan Kartago) sprutsen op Sisylje en Malta; op Sisylje útstoarn yn 'e earste of de twadde ieu nei Kristus; op Malta mooglik om dyselde tiid, mar mooglik ek hat him it Malteesk derút ûntwikkele

[bewurkje seksje] R

• Retysk - Egeysk - sprutsen yn noardlik Itaalje en Eastenryk; útstoarn yn 'e trêde ieu nei Kristus
• Rugysk - Yndo-Jeropeesk, Germaansk - sprutsen yn Hongarije en yn 'e noardlike Balkanlannen; útstoarn yn 'e fyfde of de sechsde ieu
• Russenoarsk - Yndo-Jeropeesk, pidgintaal - in mingtaal fan Aldnoarsk en Aldrussysk, dy't - allinne as twadde taal - sprutsen waard troch keaplju en reizgers yn noardlik Ruslân en it eastlike Eastseegebiet; foar it lêst brûkt yn 1923

[bewurkje seksje] S

• Sabellysk - Yndo-Jeropeesk, Italysk - (de taal fan û.m. de Sabinen; sprutsen yn Itaalje; útstoarn om it begin fan 'e jiertelling hinne
• Sarfatysk - Yndo-Jeropeesk, Romaansk - sprutsen yn Frankryk; útstoarn oan 'e ein fan 'e fjirtjinde ieu
• Sarmatysk - Yndo-Jeropeesk, Iraansk - sprutsen yn súdlik Ruslân en de Oekraïne; útstoarn oan 'e ein fan it earste milennium nei Kristus
• Seloanysk - Yndo-Jeropeesk, Baltysk - sprutsen yn Letlân en Litouwen; útstoarn yn 'e fyftjinde ieu
• Semigalysk - Yndo-Jeropeesk, Baltysk - sprutsen yn Letlân en Litouwen; útstoarn yn 'e fyftjinde ieu
• Shuadit - Yndo-Jeropeesk, Romaansk - sprutsen yn Frankryk; útstoarn yn 1977
• Sikany - ûnklassifisearre - sprutsen op Sisylje; útstoarn yn 'e lêste helte fan it lêste milennium f.Kr.
• Sikelsk - wierskynlik Yndo-Jeropeesk - sprutsen op Sisylje; útstoarn yn 'e lêste helte fan it lêste milennium f.Kr.
• Skirysk - Yndo-Jeropeesk, Germaansk - sprutsen yn Hongarije en yn 'e noardlike Balkanlannen; útstoarn yn 'e sechsde of de sânde ieu
• Skytysk - Yndo-Jeropeesk, Iraansk - sprutsen yn súdlik Ruslân en de Oekraïne; útstoarn yn 'e twadde of de trêde ieu nei Kristus
• Sûdovysk-Jatvingysk - Yndo-Jeropeesk, Baltysk - sprutsen yn Poalen en Litouwen; útstoarn oan 'e ein fan 'e Midsieuwen

[bewurkje seksje] T

• Tartessysk - isolearre - sprutsen yn súdlik Spanje; útstoarn yn 'e fjirde of de trêde ieu f.Kr.
• Trasysk - Yndo-Jeropeesk, Trasysk - sprutsen yn noardeastlik Grikelân, Jeropeesk Turkije en Bulgarije; útstoarn yn 'e sechsde of de sânde ieu (it lêste oerlibjende dialekt wie it Bessaansk, dat yn elts gefal noch yn 'e sechsde ieu sprutsen waard)
• Tsjerkeslavysk - Yndo-Jeropeesk, Slavysk - sprutsen yn Bulgarije en oare parten fan súdeastlik Jeropa; útstoarn oan 'e ein fan 'e Midsieuwen (noch altyd yn gebrûk as tsjerketaal)

[bewurkje seksje] U

• Ubych - Noardkaukazysk, Noardwestkaukazysk - sprutsen yn Turkije (oarspronklik yn súdlik Ruslân); útstoarn yn 1992
• Umbrysk - Yndo-Jeropeesk, Italysk - sprutsen yn sintraal Itaalje; útstoarn yn 'e earste ieu nei Kristus

[bewurkje seksje] Sjoch ek

• Alfabetyske list fan libbene talen yn Jeropa