Nes (Boarnsterhim)

From Wikipedy

Nes is ien fan de 18 doarpen yn de gemeente Boarnsterhim. It doarp hat likernôch 890 ynwenners.

Ynhâld

1 Skiednis
2 Lizzing
3 Ferbinings
4 Rûten
5 Untwikkeling ynwennertal
6 Sjoch ek

[bewurkje seksje] Skiednis

Nes is ûnstien op in terp oan de noardkant fan de Boarn, eastlik fan de Nesker Sylroede. Op dy terp stie fan 1228 oant 1580 it Nesker Konvint. Nei dy tiid ferfoel it gebou. Yn de 18e ieu wie dat sa slim wurden dat men likernôch 1800 de klok oerbrocht nei in apart klokhús. Op de terp binne no allinnich noch it klokhús en it tsjerkhôf oer.

Oant yn de 19e ieu lei it grutste part fan it doarp westlik fan de terp, by de Neskersyl, yn de hoeke tusken Boarn en Sylroede. Mar yn de 20e ieu hat der in grutte útwreiding west oan de súdkant fan de Boarn, en oan it begjin fan de 21e ieu is oan de westkant fan de Sylroede de grutte útwreiding Boarnstee byboud, dat it doarp is min-ofte-mear nei Akkrum ta ferplakke. Nes wie oant de gemeentlike weryndieling fan 1984 part fan de eardere gemeente Utingeradiel.

[bewurkje seksje] Lizzing

Het doarp leit op it plak dêr't de Nesker Sylroede op de Boarn útkomt, op 53°05' N 5°85' E. Syn namme, dy't yn 1243 foar it earst neamt wurdt, hat it krigen van de punt lân tusken dizze twa wetters. Wat mear nei it noarden lizze, west fan de Sylroede, de buorskippen Birstum en Bokkum dy't ek ta it gebiet fan Nes rekkene wurde.

[bewurkje seksje] Ferbinings

Nes leit oan de âlde Leppedyk, en de nije A32, dêr't it lykwols allinnich fia de N392 ferbining mei hat. De A32 giet hjir ûnder it Leppe-akwadukt troch om't ek de Boarn troch Nes rint. Dy rivier komt út it easten fan Aldeboarn en rint nei it westen nei Akkrum. Yn it doarp giet fan de Boarn de Nesker Sylroede troch de Neskersyl nei it noarden, nei de Peanster Ie en fierder nei Grou.