Trompetkraan
From Wikipedy
| Trompetkraan | ||||||
|---|---|---|---|---|---|---|
 |
||||||
| taksonomy | ||||||
|
||||||
| soarte | ||||||
| Grus americana |
De Trompetkraan (Grus americana) is in soarte út fan de famylje fan de Kraanfûgels yn Noard-Amearika.
Ynhâld |
[bewurkje seksje] Foarkommen
De Trompetkraan is in 150 sm grutte fûgel dy't in 6 kg waget. De folwoeksen fûgels hawwe wite fearren mei in read plak boppe op de kop en in lange donkere snaffel. Lykas alle kraanfûgels fleane se mei de nekke útstrekt werby de swarte úteinen fan de wjukken opfalle neist de foar de rest wite fearren.
[bewurkje seksje] Fersprieding
De Trompetkraan komt foar yn Noard-Amearika. Syn briedgebiet leit yn sompen yn de prêrje yn it midden fan Kanada yn en rûnom it Wood Buffalo National Park. De fûgels oerwinterje yn Texas yn Aransas National Wildlife Refuge, dat fanwege de trompetkranen in nasjonaal park wurden is.
[bewurkje seksje] Iten
De Trompetfûgels sykje harren iten yn ûndjip wetter en yn it fjild. Se ite ynsekten, wetterplanten en dieren dy't yn it wetter foarkomme sa as krabben.
[bewurkje seksje] Fuortplanting
De Trompetkranen meitsje harren nêst op de grûn yn de sompen, meast op in lytse ferheging. It wyfke leit ien oant trije aaien dy't in sa'n 30 dagen útbredt wurde. De jongen wurde troch beide âlden fuorre en kinne nei sa'n 80-90 dagen fleane.
[bewurkje seksje] Populaasje
De Trompetkraan is ien fan de selsumste fûgelsoarten fan de wrâld. De weromgong fan dizze kraanfûgelsoarte dy't eartiids yn it hiele middenwesten fan Noard-Amearika foarkaam is meast ta te skriuwen oan it ferliezen fan harren libbensgebiet. Yn 1941 bestie de populaasje yn it wyld noch mar út 21 fûgels. Sûnt dy tiid is it tal fûgels troch beskermjende maatregels wer wat grutter wurden. Hjoed-de-dei binne der sa'n 330 Trompetkranen wêrfân in 200 yn it wyld libje.
