Ronaldinho
As a'Wikipedia
Ronaldo de Assis Moreira (b. 21 am Màrt, 1980 ann am Porto Alegre, Braisil) Cluicheadair ball-coise air ainmeachadh nas tric mar Ronaldinho Gaúcho, is coireach gur ann bho an roinn Rio Grande do Sul a tha è no mar is àbhaist direach Ronaldinho.
Tha an t-ainm aige, Ronaldinho (IPA - Brazil: [ʁonɑu'dʒɪɲo]), a ciallachadh "Ronaldo bheag" ann am Portugais agus fhuair è am far-ainm seo airson a' dhealachadh bho an cluicheadair Braisileach eile leis an t-ainm Ronaldo. Tha Ronaldinho air iomadach duais a'bhuannachadh, nam measg an fhearr airson FIFA World PLayer of the Year (dà thuras), gach duais airson an European Footballer of the Year agus an FIFPro World Player of the Year aon thuras. Tha a'chuid mhòr den t-saoghal ball-coise dem beachd gur è an cluicheadair is fheàrr anns an t-saoghal agus aon de na cluicheadairean is fheàrr a tha air cluich a-riamh ged a tha è fhèin a smaoineachadh gur e amaideas a tha seo is è air ràdh gu bheil è fhèin dem beachd nach è fiù an cluicheadair is fheàrr aig FC Barcelona, an sgioba aige.
Clàr-innse |
[deasaich] Eachdraidh
[deasaich] Beatha Pearsanta
'S e beanailtrich a th'ann am màthair Ronaldinho, Migeulina. Bhàsaich an athair aige, João, le clisgeadh cridhe nuair a bha Ronaldinho 8 bliadhna a dh'aois. Fhads a bha athair beò b'e neach-obair aig gàradh-luing agus cluicheadair ball-coise neo-dhreuchdail a bh'ann airson Cruzeiro.Cluich am brathair aosd aig Ronaldinho ball-coise proifeiseanta airson Gremio ach chaidh stad tràth a chuir air le leòn agus tha è a-nis ag obair mar manadsair a bhrathair beag. Tha mac aig Ronaldinho den ainm João, airson athair, a chaidh a bhreith air an 25 latha den Gearran 2005 le is Janaína Nattielle Viana Mendes.
Na oigridh thoisich Ronaldinho a sealltainn a cho ealanta 'sa bha è le ball-coise trobh bhidh a cluich futsal agus ball-coise air an tràith agus an deidh greis thoisich è a gabhal ri ball-coise tradiseanta. Thionndaidh sùilean ris nuair a bha è 13 bliadhn a dh'aois agus è air 23 taghal fhaighinn an aghaidh sgioba. Dh'fhàs ainm le cho math 'sa chluich è aig an Under-17 World Cup anns an Eiphit an 1997.
Tha ùidh mhòr aige ann an ceòl braisileach agus bidh è a cluich an drumma agus a seinn le caraidean ann am Barcelona.
[deasaich] Dreuchd Proifeiseanta
[deasaich] Braisil
Thoisich è a cluich airson sgioba naiseanta Braisil ann an 1999 air an 26 den t-Og mhios an aghaidh Latbhia. Anns a'chiad geam aige ann an co-fharpais fhuair è taghal an aghaidh Venezuela anns an Copa América 1999 a'bhuannaich Braisil.
Cluich Ronaldinho pàirt mhòr ann am buaidh Bhraisil aig Cupa an t-Saoghal an Seapan agus Coirea a Deas 'sa bhliadhna 2002. 'S e aon de na taghail is fheàrr den co-fharpais fear a fhuair è seachad air David Seaman, an neach-bàire aig Sasainn, anns an treas ìre den Cupa. Fhuair è cairt dhearg anns an geam ud cuideachd agus mar sin chaill è an ath gheam an aghaidh an Tuirc ach cluich è an uairsin anns an geam deireannach an aghaidh a'Ghearmailt a bhuannaich Braisil 2-0.
Air am 29mh latha den t-Og mhios, 2005, chluich è pàirt cudthromach mar caiptean sgioba Bhraisil fhads a bhuannaich iad an dara FIFA Confederations Cup aca le buaidh tarsainn air Argentina 4-1 le Ronaldinho è fhèin a buannachadh an duais airson "Man of the Match". Dh'ainmich Pelé Ronaldinho mar aon de na 125 cluicheadairean ball-coise beò is fheàrr anns a' Mhàrt 2004.
[deasaich] Aig Grêmio
Thoisich an dreuchd aige ann an sgioba na h-òganaich aig aig an club Grêmio ann am Porto Alegre fo'n a' choidse Luiz Felipe Scolari a dheidheadh a dh'obair mar maighstear sgioba naiseanta Bhraisil anns na bliadhnachan a leanadh agus a bha na cheannard nuair a bhuannaich iad Cupa an t-Saoghal ann an 2002. Thanaig a'chiad geam airson am prìomh sgioba aig Grêmio anns an Cupa Libertadores an 1998 agus cha d'thug è fad sam bith dha an comas aige airson taghail agus cluich ealanta a shealltainn.
Mu dheireadh an dreuchd aige aig Grêmio ann an 2001 bha torr sgiobanan bho tarsainn an t-saoghal a gabhal ùidh ann an Ronaldinho agus gu h-àraid feadhainn 'o Sasainn ach mu dheireadh ghluais è gu Paris Saint-Germain 'sa Fhraing a cuir ainm ri cùmhnant a sheasadh coig bliadhna.
[deasaich] 'Sa Fhraing
An 2001 dh'fhàg Ronaldinho Grêmio a chluich ball-coise Eòrpach. Ged a bha iomadach sgioba a feuchainn ri greum fhaighinn air thagh è PSG. Fhads a bha è aig PSG bha am manaidsear, Luiz Fernandez, a gearran gu robh Ronaldinho a cuir seachad cus tìde 'sa bhaile air oidhchean a-mach an àite a bhall-coise agus nach bitheadh è a cumail ri amanan ris an deach aontachadh airson na laithean saora aige am Braisil.
An deidh Cupa an t-Saoghal an 2002, le Ronaldinho air sealltainn cho math 'sa bha è aig ìre eadar-nàiseanta, bha sgiobanan nas motha a feuchainn ri fhaighinn agus ann an 2003 dh'aidich è gu robh è airson PSG fhagail. Lean torr sabaid eadar sgiobanan 'siad airson greum fhaiginn air agus barrachd is barrachd airgeid air a chuir an àrd air a shon.
[deasaich] Barcelona
Air an 19 den t-Iuchar 2003 cheannaich FC Barcelona Ronaldinho airson mu £18,000,000. Bha ceannard Barcelona, Joan Laporta, an toiseach an dùil David Beckham a thoirt dhan sgioba ach thionndaidh an cluicheadair ud iad sios airson gluasad gu Real Madrid agus mar sin ghabh iad ri Ronaldinho agus rinn iad a chuis air Manchester United a bha airson greum fhaighinn air cuideachd. Le gluasad gu Barcelona bha Ronaldinho a leantainn sreath de chluicheadairean ainmeil Braisileach mar Evaristo, Romario, Ronaldo agus Rivaldo.
Anns a' chaid season aige chuidich è Barcelona crìochnachadh anns an dara àite 'san lìog, La Liga, ann an 2003/2004. Comhla-ri Samuel Eto'o, Deco, Xavi, Ludovic Giuly agus Henrik Larsson tha è a seasamh mar phàirt de bhuidhean chuspairichean cumhachdach a bhuannaich La Liga an 2004/05 airson Bareclona. Air am 20 den Dùbhlachd 2004 chaidh Ronaldinho ainmeachadh mar FIFA World Player of the Year air thoiseach air Thierry Henry, bho Arsenal, agus Andriy Shevchenko aig AC Milan agus thionndaidh Barca sios £60,000,000 a bha Chelsea deònach pàghadh air a shon.
Air an 19 den t-Samhainn fhuair è dà thaghal mìorbhailleach a chuidich Barcelona buaidh fhaighinn air Real Madrid 3-0 aig an Santiago Bernabeu ann am Madrid. An dèidh dha an dara thaghal aige fhaighinn, agus an treas aig an sgioba aige, sheas a' chuid mhòr de luchd-leanmhainn Real Madrid agus iad ga mholadh, rud iongtach nach robh air tachairt bho chluich Maradona airson Barcelona nan aghaidh.
An 2005 chaidh Ronaldinho ainmeachadh mar an Cluicheadair is fheàrr 'san Roinn-Eòrpa (European Footballer of the Year) agus an cuspairiche is fheàrr ann an Cupa na Roinn-Eòrpa airson an co-fharpais ud thar 2004/05. 'S e Ronaldinho an treas Braisileach a tha air an duais airson an cluicheadair is fheàrr 'san Roinn-Eòrpa a bhuannachadh. Air an 19 den Dùbhlachd fhuair è an duais FIFA World Player of the Year le 956 puing, barrachd air trì thurais na fhuair an cluicheadair anns an dara àite, Frank Lampard, le 306, agus Samuel Eto'o a fhuair an treas àite le 190. Chaidh a thaghadh airson an sgioba UEFA airson 2005 airson an treas bliadhna a riuth agus fhuair è bharrachd bhòt airson an sgioba ud na cluicheadair sam bith eile a bh'ann le coir air 1,500,000 neach a gabhal pàirt anns an taghadh.
Air an 7 latha dem Màrt, 2006, anns an dara geam den cuairt 'san Cupa Eòrpach aig an Nou Camp, rinn Ronaldinho agus Barcelona a chùis air Chelsea an deidh dhaibh call rutha aig an aon ìre 'san co-fharpais am bliadhna ron an sin leis a faighinn taghal sgileil. An deidh sin fhuair iad buaidh air AC Milan 1-0 tarsain air an dà gheam airson àite fhaighinn an aghaidh Arsenal anns an geam mu dheireadh am Paris. Anns an geam sin rinn iad a chùis 2-1 an deidh dhaibh a bhith call 1-0 airson a chuid mhòr den geam le Henrik Larsson a deanamh gach taghal airson Barca - a chiad taghail a bha Arsenal air leigeal a-steach ann an coir is deich geam. 'San aon bliadhna bhuannaich Barca La Liga airson an dara seasan le bunnachadh an aghaidh Celta Vigo 1-0.
