Alhucemas (penedo)
Na Galipedia, a wikipedia en galego.
O penedo de Alhucemas (en español peñón de Alhucemas) é un illote do Mediterráneo occidental, pertencente a España e situado na baía homónima, a 2 km da costa de Marrocos.
Integra, xunto con dous illotes deshabitados, o illote de Tierra e o de Mar, as illas Alhucemas. Ambos illotes fóronlle cedidos por Marrocos en 1957, tras acceder este último país á independencia.
O penedo mide uns 170 metros de longo por 86 de largo, conta cunha extensión superficial aproximada de 0,15 km² e ten unha altitude máxima de 15 metros. Dispón dunha igrexa, un faro, varias casas, un porto e un forte con almacéns. É o punto de amarre de varios cabos submariños unidos a Melilla, Ceuta e á Península Ibérica.
Custódiano de forma permanente forzas militares pertencentes ao Corpo de Regulares de Melilla.