Erzsébet Báthory
Na Galipedia, a wikipedia en galego.
Erzsébet Báthory (Alžbeta Bátoriová-Nádašdy en eslovaco, 1560 - 1614) foi unha condesa húngara, considerada a máis famosa asasina en serie da historia húngara e eslovaca, coñecida como a condesa sanguiñolenta. Viviu a maior parte da súa vida no costelo deČachtice. Ela e catro colaboradores foron acusados de torturar e asasinar a numerosas raparigas, entre 20 e 2000. En 1610 foi condenada a confinamento solitario ata a súa morte.
Algúns historiadores contemporáneos sosteñen que os crimes foron invencións dos seus enimigos políticos.
[editar] Biografía
Naceu en Nyírbátor, aínda que pasou a súa infancia no castelo de Ecsed, aos once anos a súa familia prometeuna con Ferencz Nádasdy e trasladouse ao castelo de Sávar, en 1575 casou con el, quen lle outorgou o castelo de Čachtice como regalo de vodas. O seu marido morreu en 1602 ou 1604.
Descoñécese cando comezou cos seus crimes, tanto o seu home como os seus familiares coñecían o que estaba facendo, pero non interviron, e progresivamente aumentou a súa brutalidade. En 1610 debido aos rumores e inquedanzas polo gran número de desaparicións na zona, o conde Gyorgy Thurso, primo da condesa, pon fin á masacre ao entrar con seus soldados no castelo.
