Felipe de Borbón e Grecia
Na Galipedia, a wikipedia en galego.
Felipe de Borbón e Grecia (Xoan Pablo Afonso da Trinidade e de Tódolos Santos de Borbón e de Grecia), príncipe de Asturias, heredeiro do trono de España, naceu o 30 de xaneiro de 1968. Fillo de Xoán Carlos I de España e de Sofía de Grecia.
Ostenta por Real Decreto desde 1977 os títulos históricos dos heredeiros dos diferentes reinos hispanos: Príncipe de Asturias, Príncipe de Xerona, Príncipe de Viana, Duque de Montblanc, Conde de Cervera e Señor de Balaguer como heredeiro dos Reinos de Castela, Aragón, Navarra, Cataluña, Valencia e Mallorca. As súas orixes proveñen de 1388, 1351, 1424, 1387, 1351, 1413, respectivamente. Tamén pode ostentar o de Príncipe de Xaén. Ten o tratamento de Alteza Real.
Recibiu unha formación militar na (Academia Xeral Militar de Zaragoza, a Escola Naval Militar de Marín e a Academia Xeral do Aire de San Javier), exercendo agora os cargos de Comandante do Corpo Xeral das Armas do Exército de Terra de Infantería, Capitán de Corbeta do Corpo Xeral da Armada e Comandante do Corpo Xeral do Exército do Aire. Tras finalizar o seu período militar comezou a súa formación académica (Dereito na Universidade Autónoma de Madrid e Master en Relacións Internacionais na Edmund Walsh School of Foreign Service da Universidade de Georgetown).
O 1 de novembro de 2003, anunciou o seu compromiso matrimonial coa xornalista asturiana Letizia Ortiz Rocasolano. A voda celebrouse o 22 de maio de 2004 na catedral de Santa María a Real da Almudena de Madrid. O 31 de outubro de 2005 ás 1:45 horas, doña Letizia deu a luz a unha nena, Leonor de Borbón, primoxénita do heredeiro do trono e segunda na liña sucesoria da Coroa española.
