Las Palmas de Gran Canaria
Na Galipedia, a wikipedia en galego.
Las Palmas de Gran Canaria, sita na costa nordeste da illa de Gran Canaria, é sede do municipio español do mesmo nome, na província de Las Palmas, unha das cidades co-capitais da comunidade autónoma das Canarias, xunto con Santa Cruz de Tenerife, e o principal centro urbano do arquipélago das Canarias. cunha área de 99,77 km² e unha poboación de 377.056 habitantes (INE 2006).
[editar] Xeralidades
A cidade foi fundada o 24 de xuño de 1478 con o nome de Santa María del Real de Las Palmas, por Juan Rejón, xefe das tropas invasoras castelás, que se enfrontarían aos guanches (poboación indíxena das illas Canarias). En 1492, Cristovo Colón ancorou no porto de Las Palmas, na súa primeira expedición a América.
Las Palmas é hoxe unha cidade cosmopolita. Ten tres praias (Las Canteras, Las Alcaravaneras e San Cristóbal) e un gran porto (Puerto de la Luz ) - importante durante o período 1970-1990 (no que se beneficiou avantaxosamente do pechamento do Canal de Suez, como consecuencia da guerra árabe-israelí de 1973). Debido á súa situación como nexo de tres continentes, e á súa relevancia como punto turístico, inúmeros traballadores extranxeiros emigraron e se asentaron na cidade. Mercadores e viaxeiros procedentes de África, China, Europa occidental, Rusia e Oriente Medio pululan misturados polas rúas da cidade e os centros comerciais da urbe. As comunidades coreana e india son as maiores da cidade, aínda que a maioría dos individuos adquiriron a nacionalidade española con o paso dos anos.
Segundo un estudo efectuado por Thomas Whitmore, director de investigacións climatolóxicas da Universidade de Syracuse (USA), a cidade de Las Palmas de Gran Canaria goza do mellor clima do mundo.
A principal festa (Festas de San Xoán), o 24 de xuño, conmemora ao tempo a data da fundación da cidade.
O Entroido de Las Palmas de Gran Canaria é amplamente coñecido non só en España, senón no resto do mundo, é constitúe unha das máximas atraccións turísticas.
[editar] Lugares de interese
- A catedral, comezada a inicios do século XVI e rematada no XIX. É a sede do bispado das illas Canarias.
- A Casa Colón, antigo pazo dos primeiros gobernadores da illa, onde se hospedou Cristovo Colón; na actualidade acolle un museo dedicado ás expedicións para o novo mundo.
- O Museo Canario, conserva importantes vestixios da época dos guanches.
- O Paseo de las Canteras, avenida que se estende ao longo dunha das máis fermosas praias urbanas do mundo:a "Playa de las Canteras.
- O Centro Atlántico de Arte Moderno.
- A fortificación do Castillo de la Luz, construída no século XVI, para protexer a cidade dos ataques dos piratas, utilizándose hoxe para albergar exposiciónns temporais.
[editar] Personalidades ilustres
- Benito Pérez Galdós, un dos principais novelistas españois do século XIX.
- Juan Negrín, fisiólogo e presidente do Goberno da IIª República española.
- Juan León y Castillo, enxeñeiro de Caminos, Canais e Portos.
- Agustín Millares Sall, poeta.
- Alfredo Kraus, tenor.
- Néstor Martín Fernández de la Torre, pintor.
- Cristina María del Pino Segura, "Pinito del Oro", trapecista.
- Martín Chirino, escultor.
- José Castellano Santana, "Pepe Monagas", humorista.
- Jesús Arencibia, pintor.
