Logroño
Na Galipedia, a wikipedia en galego.
Logroño é unha cidade e concello do Norte de España, capital da comunidade autónoma da Rioxa. Está sita na beira do río Ebro.
A súa poboación en 2004 era de 142.143 habitantes. O xentilicio para referirse aos mesmos é logroñés.
Índice |
[editar] Situación xeográfica
O concello de Logroño está situado no norte da Rioxa Media, limitando con os municipios de Fuenmayor, Navarrete, Lardero, Villamediana de Iregua, Murillo de Río Leza e Agoncillo en A Rioxa; Laguardia, Lanciego e Oyón en Álava e Viana en Navarra.
A mayor parte da superficie municipal e do núcleo urbano asenta na orela dereita do río Ebro. A súa altitude, tomada no céntrico paseo do Espolón, é de 386 m sobre o nivel do mar; o punto máis alto da localidade, as Coronillas, está a 565 metros de altura.
[editar] Historia
Logroño foi poboada no ano 905 por Sancho Abarca, rei de Navarra, para garantir o paso do Ebro e o acceso ás terras tomadas aos musulmáns logo da batalla de Clavijo, instalándose novas xentes na beira dereita do río. En 1044, na "Rúa Vieja", arteria principal da localidade, ergueuse un pazo dos monarcas navarros.
En 1095, o rei de León, Afonso VI, apoderouse da Rioxa, e consolida a súa conquista concedendo a Logroño unha carta foral, que garantía a libre circulación pola ponte, o que asegura a prosperidade económica da cidade. Dito foro constituíse en modelo para moitos outros posteriores.
No século XIII, a urbe, que conta con varios hospitais, arrodéase de fortificacións. O seu castelo foi derrocado no século XVII.
Desde época medieval Logroño foi unha das etapas do Camiño de Santiago. Os peregrinos atravesaban Logroño pola "Rúa Vieja", onde unha vella mansión do século XVIII foi habilitada polo concello como refuxio dos peregrinos modernos.
[editar] Lugares de interese
- Con-Catedral de Santa María de la Redonda
- Igrexa de San Bartolomé
- Igrexa de Santiago
- Igrexa de Palacio
- Museo de La Rioja
- Parlamento de La Rioja, ubicado na antiga factoría de Tabacalera.
- Muralla del Revellín
- Fonte da Gran Vía con representación de reis que estiveron vencellados a Logroño ou A Rioxa.
[editar] Personalidades da cidade
- Navarrete "El Mudo", pintor do século XVI,
- Marqués de la Ensenada, estadista e ilustrado do século XVIII,
- Baldomero Espartero, militar, rexente e xefe de goberno de España, no século XIX,
- Manuel Bretón de los Herreros, escritor,
- Fausto Elhúyar,
- Práxedes Mateo Sagasta, presidente do goberno español durante a Restauración,
- Rafael Azcona, guionista cinematográfico,
- Ramón Castroviejo,
