Presidente do Goberno de España
Na Galipedia, a wikipedia en galego.
O Presidente do Goberno é o Xefe do Goberno de España. A elección do presidente realízase no Congreso dos Deputados, mediante un proceso chamado Investidura, tras ser elixido polo Congreso, é nomeado polo Rei ante o cal toma xuramento.
As funcións do Presidente do Goberno están establecidas na Constitución Española nos artigos 97 ao 116. A residencia oficial e sé do Goberno é o Pazo da Moncloa en Madrid.
[editar] Elección
A elección do Presidente non se realiza de forma directa polos electores, se non que se realiza de forma indirecta polo poder lexislativo. Seguindo as eleccións lexislativas que teñen lugar cada catro anos, o líder do partido maioritario, é normalmente proposto polo rei como Presidente do Goberno, e logo é elixido polo Congreso dos Deputados. O Vicepresidente é elixido polo Rei como unha proposta do Presidente do Goberno.
[editar] Investidura
Tras a elección do candidato pola maioría do Congreso dos Deputados, é nomeado polo Rei como Presidente do Goberno nunha cerimonia de investidura que se celebra no Salón de Audiencias do Pazo da Zarzuela ante a presenza do Rei de España e o Notario Maior do Reino (Ministro de Xustiza).
[editar] Presidentes do Goberno de España (1977-)
Nesta lista soamente se ven os Presidentes do Goberno do período democrático. Para ver a lista completa vaia a Lista de presidentes de España.
| Lexislatura | Data Inicial | Data Final | Nome | Partido |
|---|---|---|---|---|
| Consituínte | 15 de xuño de 1977 | 11 de marzo de 1979 | Adolfo Suárez González | UCD |
| Primeira Lexislatura | 11 de marzo de 1979 | 29 de outubro de 1982 | Adolfo Suárez González e Leopoldo Calvo-Sotelo Bustelo | UCD |
| Segunda Lexislatura | 28 de outubro de 1982 | 22 de xuño de 1986 | Felipe González Márquez | PSOE |
| Terceira Lexislatura | 22 de xuño de 1986 | 29 de outubro de 1989 | Felipe González Márquez | PSOE |
| Cuarta Lexislatura | 29 de outubro de 1989 | 6 de xuño de 1993 | Felipe González Márquez | PSOE |
| Quinta Lexislatura | 6 de xuño de 1993 | 3 de marzo de 1996 | Felipe González Márquez | PSOE |
| Sexta Lexislatura | 3 de marzo de 1996 | 12 de marzo de 2000 | José María Aznar López | PP |
| Sétima Lexislatura | 12 de marzo de 2000 | 14 de marzo de 2004 | José María Aznar López | PP |
| Oitava Lexislatura | 14 de marzo de 2004 | Actualidade | José Luis Rodríguez Zapatero | PSOE |
