Río Tamuxe
Na Galipedia, a wikipedia en galego.
O río Tamuxe -tamén coñecido como Carballas- é un afluente do río Miño no seu treito final, morrendo neste a poucos quilómetros da súa desembocadura no mar. Nace no concello de Oia, rega o Val do Rosal e desemboca en Pias -San Miguel de Tabagón, no concello do Rosal.
É un río curto pero que chega a ter un caudal abondoso. Posúe numerosos muiños e pesqueiras que ademáis da pesca deportiva ofrecen a posibilidade de se bañar con zonas amplas de profundidades maiores dos dous metros no verán.
Na súa cabeceira atópanse as pozas de Loureza, no lugar do mesmo nome dentro do concello de Oia. Nelas é posibel nadar, tirarse á auga desde diferentes alturas e tomar o sol; ademáis é habitual a práctica do nudismo.
