Retablo maior de Santo Estevo de Sandiás
Na Galipedia, a wikipedia en galego.
Atópase na igrexa de Santo Estevo de Sandiás, concello de Sandiás, na comarca da Limia, provincia de Ourense.
No ano 2007 cúmprense o 400 aniversario do seu remate (1607-2007).
O retablo de Sandiás realizouse entre os anos 1603 e 1607, é esta a data que podemos contemplar no alto do retablo despois de aparecer logo das obras de restauración a que foi sometido fai uns poucos anos e na que o retablo recuperou as antigas cores e as pinturas orixinais.
O retablo de Sandiás é uns dos poucos retablos tardomanieristas que chegou ata nós completo, seguindo un modelo de moda naquel momento imposto polo retablo do Escorial. Nel traballou Francisco de Moure, un dos mellores artistas galegos do primeiro tercio do século XVII, sendo unha das obras mais importantes da primeira etapa deste escultor.
Consta dunhas imaxes dotadas dunha grande forza expresiva na que xa se adiviñan os novos aires do novo estilo que chegaría anos mais tarde a Galicia e que tería unha gran importancia na nosa arte: o barroco.
Consta de 2 corpos, 3 rúas e un ático. Destacan no primeiro corpo san Pedro e san Paulo e no segundo san Francisco, santo Estevo e san Lourenzo. De grande interese son o conxunto de pinturas manieristas (A Anunciación, A Visitación, Os catro doutores da Igrexa, e varias santas) realizadas por un pintor descoñecido, ademais de varias pinturas que saíron a luz despois de restaura-lo retablo.
