Sicambres
Na Galipedia, a wikipedia en galego.
A tribo xermánica occidental dos sicambri (Sicambri, Sicambres, Sigambrer, Sugumbrer, Sugambri) aparece na historia no -55, durante o período de conquista da Galia por Xulio César e inicio do Imperio Romano, na marxe dereita do Rin entre os ríos Ruhr e Sieg, na rexión que actualmente forma parte do estado alemán de Renania do Norte - Westfalia (Nordrhein-Westfalen). O río Sieg, así como a cidade de Siegen, reciben ese nome por causa desa tribo.
En -16, eles derrotaron un exército romano liderado por Marco Lolio, o que ocasionou unha reacción do Imperio Romano e axudou a iniciar a serie de guerras contra as tribos xermánicas que duraron até o ano 16.
No ano -11, foron forzados por Nerón Claudio Druso a se desprazaren para a marxe esquerda do Rin, onde claramente formaron o compoñente central da confederación dos francos. A súa nova patria estaba localizada no que agora é a rexión de Gelderland na Holanda, no baixo Rin.
Os reis merovinxios reivindicaban a súa descendencia dos Sicambri, que eles crían que fora orixinalmente unha tribo escita ou cimeria, que antes habitara a foz do Danubio, e que mudou o seu nome para "francos" no -11 baixo o mandato dun certo xefe tribal chamado "Franko". Os merovinxios trazan as súas orixes sicambrianas en Marcomir I (supostamente morto en -412), último rei de Troia, mais esa lista de gobernantes non é aceptada como histórica. De acordo con algúns rexistros, un líder tribal Marcomero precedeu á dinastía merovinxia en torno a 400.
Gregorio de Tours afirma que o líder franco Clodoveo, na ocasión do seu bautismo na fe católica en 496, foi referido como Sicamber pelo bispo de Reims, que conduciu a cerimonia - lembrando novamente a ligazón entre os sicambri e os devanceiros de Clodoveo, a casa real merovinxia dos francos.
[editar] Ligazóns externas
- Conquista Romana da Xermania (en inglés)
- Sicambri, etc. en Regnal Chronologies (en inglés)
